News Portal

  • समाचार प्रभाव : बिबाह लगायत अन्य धेरै काममा सवारी पास लिनु नपर्ने सिडिओको आदेश

    भक्तपुरपोस्ट संवाददाता भक्तपुर, १८ बैशाख २०७८
    १३९० पटक
    भक्तपुर, १८ बैशाख २०७८

    भक्तपुरका सिडिओ प्रेमप्रसाद भट्टराईले निषेधाज्ञाको समयमा बिबाह प्रयोजनका लागि सवारी पास लिनु नपर्ने आदेश जारी गरेका छन् । उनले ब्यानर राखेर २ वटा सम्म सवारी प्रयोग गरी जिल्ला भित्र वा बाहिर बढीमा पन्ध्र जना आवतजावत गर्न पास लिनु नपर्ने आदेश जारी गरेका हुन् ।

    कोरोना भाइरस संक्रमण नियन्त्रणका लागि जारी निषेधाज्ञामा जिल्ला प्रशासन कार्यालय भक्तपुरले बिबाह गर्नुपर्दा स्वीकृती लिएर बढीमा पन्ध्रजना उपस्थित हुन पाउने व्यवस्था मिलाएको छ । तर, बिबाहको स्वीकृती र सवारी पास लिनका लागि भने कार्यालयमा मानिसहरुको भिड नै जम्मा गरिएको बारे भक्तपुर पोस्टले समाचार प्रकाशन गरेको थियो ।

    समाचार प्रकाशित भएपछि बिहिबार साँझ नै सिडिओ प्रेमप्रसाद भट्टराईले अघिल्लो आदेशमा संसोधन गर्दै बिबाह प्रयोजनको लागि सवारी पास लिनु नपर्ने आदेश जारी गरेका हुन् । पार्टी प्यालेसमा बिबाह गर्नुपर्दा भने ठाउँको स्वीकृती लिनुपर्ने व्यवस्था कायमै गरिएको छ ।

    त्यसैगरी सिडिओ भट्टराईले पहिले पास लिनुपर्ने भनिएका धेरै सवारीका लागि पास लिनु नपर्ने व्यवस्था गरेका छन् । अत्यावश्यक बस्तु तथा सेवाको कारोबार गर्ने सवारी, बिरामी र कुरुवा बोक्ने सवारी, बैंक र वित्तीय सस्थाका कर्मचारी बोक्ने सवारी, विमानस्थल जानआउन प्रयोग हुने सवारीका लागि जिल्ला प्रशासन कार्यालय भक्तपुरबाट पास लिनु नपर्ने व्यवस्था गरिएको प्रशासकीय अधिकृत यज्ञराज जोशीले पुष्टि गरेका हुन् ।

    जिप्रकाले एक सूचना नै जारी गरी यस्ता कार्यमा सवारी पास लिन नआउन र कुनै समस्या भए प्रहरीको १०० र १०३ नम्बरमा फोन गरी सहायता लिन अनुरोध समेत गरेको छ । मृत्यु सस्कार र अन्य अत्यावश्यक भएका कार्यमा मात्र सवारी पास जारी हुने जिप्रकाले जनाएको छ ।

    प्रतिकृया दिनुहोस्

    ईप्सन भक्तपुरको हिज्जे प्रतियोगितामा यूनिटी स्कूल प्रथम

    ईप्सन भक्तपुरको बोर्ड कार्यक्रम अन्तर्गत मदरल्याण्ड स्कूलको आयोजनामा सम्पन्न अङ्ग्रेजी हिज्जे प्रतियोगितामा यूनिटी स्कूल प्रथम,...

    रगतको सही प्रयोगले अभाव केही हदसम्म कम गराउन सकिन्छ

    रगत अभावको बारेमा हामीले बेलाबेलामा विभिन्न सञ्चार माध्याममा पढ्ने रसुन्नेगरेका छौँ।नेपालमा दैनिक हजारौँ व्यक्तिले रक्तदान...

    आलोचना होइन, प्रशंसा गर्नुस् : अध्यक्ष ओली

    पूर्व प्रधानमन्त्री समेत रहेका नेकपा (एमाले) का अध्यक्ष केपी शर्मा ओलीले कार्यकर्तालाई आलोचनामा रमाउनुको सट्टा...

    महिलाहरु रक्तदानमा पछि, जीवनदानको रुपमा रहेको रक्तदानप्रति प्रेरित गर्नुपर्नेमा जोड

    रक्तदानलाई ‘जीवन दान’ को रुपमा श्रद्धाले ग्रहण गरिने भएपनि यसप्रति महिला वर्गलाई आकर्षित गर्न नसकिएको...

    भक्तपुरका ४ पत्रकारलाई पत्रकार महासंघको पुरस्कार र सम्मान

    sanjeep ghimire shubhachintak fnj

    नेपाल पत्रकार महासंघ जिल्ला शाखा भक्तपुरले जिल्लाका ४ पत्रकारलाई पुरस्कृत गरेको छ । शाखाले आफ्नो...