News Portal

  • अब खरिपाटीमा आइसीयुसहितको कोरोना विशेष अस्पताल

    क्वारेन्टाइन र आइसोलेसन सेन्टरपछि खरिपाटीमा अब कोरोना अस्पताल

    भक्तपुरपोस्ट संवाददाता भक्तपुर, २२ बैशाख २०७८
    १००३ पटक
    भक्तपुर, २२ बैशाख २०७८

    सरकारले भक्तपुरको चाँगुनारायण नगरपालिका खरिपाटीस्थित विद्युत प्राधिकरणको संरचनामा कोभिड अस्पताल संचालन गर्ने भएको छ । यस अघि क्वारेन्टाइन र आइसोलेसन सेन्टर बनाइएको सो क्षेत्रमा सरकारले कोभिड विशेष अस्पताल नै संचालन गर्न लागेको हो ।

    बुधवार मुख्यसचिव शंकरदास बैरागीको अध्यक्षतामा सरोकारवाला मन्त्रालयका सचिव सहित बसेको बैठकले खरिपाटीस्थित विद्युत प्राधिकरणको तालिम केन्द्रलाई आइसियु बेडसहितको कोभिड विशेष अस्पताल बनाइ सञ्चालनमा ल्याउन निर्णय गरिएको बताइएको छ ।

    मुख्यसचिव वैरागीको अध्यक्षतामा बसेको बैठकबाट दुई दर्जन बढी निर्णयहरू भएका र त्यसमध्ये खरिपाटीमा आइसियु बेडसहितको कोभिड विशेष अस्पताल बनाइ सञ्चालनमा ल्याउन निर्णय समेत गरिएको सहभागी एक सचिवले भक्तपुर पोस्टलाई जानकारी गराए ।

    चीनको वुहानमा फैलिएको नोभेल कोरोना भाइरस (कोभेड १९) को महामारी पछि नेपाल फर्काइएका १ सय ७५ जना नेपालीलाई सरकारले खरिपाटीस्थित क्वारेन्टाइनमा राखेको थियो । क्वारेन्टाइनमा रहेका सबैजनालाई विश्व स्वास्थ्य संगठनको मापदण्ड बमोजिम राखिएको थियो । मेडिकल डाक्टरको विशेष टोलीले उनीहरुमाथि निगरानी गरेको थियो । विद्युत प्राधिकरणको चारवटा भवन प्रयोग गरी बनाइएको क्वारेन्टाइनमा सिसिक्यामरा, टेलिभिजन, स्पीकर, वाइफ़ाइ जडान गरिएको छ । यहाँ खुला र पर्याप्त क्षेत्र रहेकाले पछिल्लों समय बागमती प्रदेश सरकारले यसलाई भक्तपुर अस्पतालको व्यवस्थापनमा आइसोलेसन सेन्टर समेतका रुपमा प्रयोग गरिसकेको छ ।

    कोरोना भाइरसको दोश्रो लहरसंगै अस्पतालहरु संक्रमितबाट भरिन थालेपछि सरकारले यसपटक यसलाई कोभिड अस्पतालकै रुपमा रुपान्तरण गर्दै संचालनमा ल्याउन लागेको हो ।

    प्रतिकृया दिनुहोस्

    देश वृद्धाश्रम बन्ने खतरा रहेको उपप्रधान एवं गृहमन्त्री श्रेष्ठको खुलासा

    काठमाडौँ । उपप्रधान तथा गृहमन्त्री नारायणकाजी श्रेष्ठले युवाहरू बिदेसीने र उतै पलायन हुने क्रम बढेकोले...

    भक्तपुरको समाजलाई बुद्धिजीवीकरण गर्न र अनुशासित बनाउन स्काउट महत्त्वपूर्ण

    भक्तपुर । भक्तपुुरका नवनियुक्त स्काउटहरुलाई पदाधिकारीहरुलाई बधाई तथा शुभकामना कार्यक्रम सम्पन्न भएको छ । नेपाल...

    अस्पतालमा रुद्री !

    भौतिकवादको थलो अस्पतालमा भगवान शिवको आरधना गर्दै रुद्री पूजा गरिएको छ । वागमती प्रदेश सरकारको...

    भान्सामा महंगीको मार पर्न नदिन पहल, सस्तियो मूल्य

    भान्सामा प्रयोग हुने मसाला जिराको भाउ भारीमात्रामा घटेको छ । पछिल्लो समय जिराको मूल्य घटेको...

    ३५ दिनदेखि सिटिइभिटिका कर्मचारीहरु आन्दोलित, पेल्ने पक्षमा नेतृत्व

    सानोठिमीस्थित प्राविधिक शिक्षा तथा व्यावसायिक तालिम परिषद (सिटिइभिटि) का कर्मचारीहरु आन्दोलित भएका ३५ दिन पुगेको...