News Portal

  • भक्तपुरमा अस्पतालको लापरवाही : भेन्टिलेटरबाट निकालेको केहि मिनेटमै बिरामीको मृत्यु

    भक्तपुरपोस्ट संवाददाता भक्तपुर, २४ बैशाख २०७८
    ५२१७ पटक
    भक्तपुर, २४ बैशाख २०७८

    अन्तराष्ट्रिय स्तरको सेवा दावी गर्ने भक्तपुरको एक निजी अस्पतालको लापरवाहीका कारण कोभिड पेसेन्टको ज्यान गएको छ । भक्तपुरको मध्यपुर थिमी नगरपालिका वडा नं.३ कौशलटारस्थित भक्तपुर इन्टरनेशनल हस्पिटल प्रा. लिको लापरवाहीका कारण उपचाररत २ बिरामीको ज्यान गएको हो ।

    अस्पतालले अक्सिजन नभएको भन्दै गएराति करिब ९ बजेको समयमा जवर्जस्ती भेन्टिलेटरबाट निकालेको केहि मिनेटमै एक ४९ वर्षीय पुरुषको ज्यान गएको आफन्तले भक्तपुर पोस्टलाई जानकारी गराएका छन् । मृतक भक्तपुर नगरपालिका वडा नम्बर ९ का स्थानीय भएको वडाध्यक्ष रवीन्द्र ज्याख्वले पुष्टि गरे । पिडित परिवारले अस्पतालको चरम लापरवाहीका कारण ज्यान गएको आरोप लगाएका छन् । वडाध्यक्ष ज्याख्वले पनि अस्पतालले गम्भीर लापरवाही गरेकोले त्यसको छानवीन र दोषी उपर कारवाही हुनुपर्ने बताएका छन् । अर्का एक बिरामीलाई सारिएर अर्को अस्पताल पुर्याइए पनि बचाउन नसकिएको बताइएको छ । तर, यसको आधिकारिक पुष्टि भने भएको छैन । श्रोतका अनुसार उनी पोखरा स्थायी घर भई भक्तपुर बस्दै आएका करिब साठी वर्षीय पुरुष हुन् ।

    महानगरीय प्रहरी परिसर भक्तपुरकी प्रमुख रहेकी एसपी तारादेवी थापाले अस्पतालको लापर्वाहीबारे स्पष्ट नभएको भन्दै आफूहरुले अनुसन्धान गरिरहेको दावी गरेकी छन् । एसपी थापाका अनुसार उक्त अस्पतालले अक्सिजन प्राप्त गर्न नसकेपछि प्रहरीले आफूसंग भएको एक दर्जन अक्सिजन सिलिन्डर उपलब्ध गराएको छ । आफूहरुलाई ढिला सूचना प्राप्त भएको भन्दै एसपी थापाले अस्पताल प्रशासन एक्लै अक्सिजन व्यवस्थापन गर्न दौडधुप गरेको देखिएको र अन्तिम अवस्थामा अक्सिजन प्राप्त हुन नसकेपछि मात्र प्रहरीले थाहा पाएको जिकिर गरेकी छन् ।

    बिहिवार राति ४ जना कोभिड संक्रमितलाई भक्तपुर अस्पताल सारिएको, २ जनालाई समिट अस्पताल सारिएको र केहि बिरामीले आफ्नै पहलमा आफ्ना बिरामीलाई रातारात काठमाडौं पुर्याएका बताइएको छ । केहि महिना अघि मात्र संचालनमा आएको भक्तपुर इन्टरनेशनल हस्पिटल प्रा. लिले पन्ध्र बेड संचालनको अनुमति पाए पनि २७ कोभिड संक्रमितलाई राखेर उपचार गरिरहेको अवस्थामा बिहिबार अक्सिजन अभाव हुँदा २ बिरामीको ज्यान जानुका साथै अन्यको बिचल्ली बनेको थियो । अक्सिजन नभएको अस्पताल प्रशासनले जानकारी गराएपछि बिरामीका आफन्तमा तनाव थपिएको थियो ।

    अस्पतालले समयमै बिरामीलाई सार्न नभनेको भन्दै अक्सिजन अभावमा ज्यान गुमाएकाको परिवार आन्दोलित बनेको छ । प्रमुख जिल्ला अधिकारी प्रेमप्रसाद भट्टराईले वार्ताको पहल गरेपनि अस्पताल संचालक समाचार तयार पार्दा सम्म वार्ताका लागि आएका छैनन् । भक्तपुर पोस्टले अस्पताल संचालकलाई सम्पर्क गर्न पटक पटक प्रयास गरेपनि सम्पर्कमा आउन चाहेका छैनन् ।

    अपडेट : जिप्रकाले अस्पतालले गम्भीर लापरवाही गरेको ठहर गर्दै स्पष्टिकरण सोध्ने र कारवाही प्रक्रिया अघि बढाउने बताएको छ । पिडित परिवारलाई क्षतीपूर्ती दिन र गल्ती नदोर्याउने अस्पताल प्रशासनले प्रतिवद्धता प्रकट गरेको बताइएको छ ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...