News Portal

  • कोरोना भन्दा पनि पाकेको गहुँ भित्र्याउन नसकिने होकि भन्ने चिन्तामा भक्तपुरे किसान

    अनिल फोजूभक्तपुर,२९ वैशाख २०७८
    १८६३ पटक
    भक्तपुर,२९ वैशाख २०७८

    यतिवेला गाउँवस्ती सबै त्रसित अवस्थामा छ । कोरोना भाइरसका कारण विश्व नै आक्रान्त भएको छ । यतिबेला काठमाडौ उपत्यकासंगै भक्तपुरका किसानहरु पनि कोरोना भाइरसको कारण त्रसित मात्र नभएर कसरी बाली भित्राउने भन्ने चिन्तामा समेत परेका छन् ।

    देशमा निषेधाज्ञा कायम छ । मानिसहरुलाई घर बाहिर ननिस्कन सरकारले अनुरोध गरेको छ । तर यसले किसानहरु झन् चिन्तित देखिन्छन् ।

    यो वैशाख महिना । अलि धेरै गर्मि हुँने समय । वर्षभरि किसानले मेहेनत गरि फलाएको गहुँ बाली भित्र्याउने समय । खेतमा गहुँ पाक्ने समय । पानी र असिनाले बाली बिगार्ने उस्तै चिन्ता छ यतिबेला किसानहरुमा । यो समयमा किसानहरुलाई कोरोनाको भन्दा पनि पाकिसकेको गहुँ घर भित्र भित्र्याउन पो नसकिने हो कि भनेर चिन्ता लागेको छ ।

    देश लकडाउनमा रहँदा काठमाडौं उपत्यकाका अधिकाशं खेतमा लगाइएको गहुँ बाली भित्र्याउन किसानहरुलाई चिन्ता बढ्न थालेको हो । यो समय किसानहरु खेतमा व्यस्त हुँने समय पनि हो । धानको बीउ राख्न हतारो भइसकेको छ तर यस्तो समयमा किसानहरु खेतसम्म पुग्न सक्ने अवस्था छैन । खेतमा गहुँ पाकिसकेर झर्ने बेला भइसकेको छ । काठमाडौं उपत्यका गहुँ उत्पादनको लागि राम्रो ठाउँ मानिन्छ । यहाँ बाट उत्पादित गहुँले उपत्यकाकामा केहि मात्रामा भनेपनि गहुँमा आत्मनिर्भर देखिन्छ ।

    देशमा नयाँ कोरोना भाइरसको संक्रमण फैलिन नदिन सरकारले ६० वटा जिल्लामा निषेधाज्ञा जारी गरेको छ । किसानहरु घर बाहिर निस्कन नपाएपछि खानकै निम्ति अन्न नहुने होकी भन्ने चिन्ता बढेको छ  ।

    त्यस्तै , काठमाडौं उपत्यकाका अधिकाशं खेत संगै घर हुँनेहरुले गहुँ भित्र्याउने क्रम जारी छ । मानिसको भेला नगर भनेपनि किसानको काममा मानिसको भिड नभइ नहुँने काम भएकोेले मानिसको भिडमा नै किसानहरुले गहुँ कात्न सुरु गरेका छन । यस्तो अवस्था किसानहरुले माक्स भने अनिबार्य लगाएको देखिन्छ ।

    काम छिटो सकाउन थेसरको प्रयोग तर छ्वालीको भने नाश
    यतिबेला गहुँ काटीसकेपछि काम छिटो तरिकाले सकाउन थ्रेसरको प्रयोग भएको छ । यसबाट काम छिटो सकिनुका साथै अति नै सहज भएकोले किसानहरुले उक्त थ्रेसर मिसिनको प्रयोग भएको हो । तर यसबाट भने छ्वालीको विनाश भएको छ ।
    छ्वाली विशेष गरि घरको छानो हाल्न, चुलोमा आँगो बाल्न समेत प्रयोग गरिन्छ । अचेल यहाँ छ्वाली पाउनै गाह्रो भइसकेको छ ।

    प्रतिकृया दिनुहोस्

    भक्तपुर आएर पूर्व अर्थमन्त्री पुनले भने, ‘नेताहरु शिशाको घरमा छन्’

    पूर्व अर्थमन्त्री एवं नेकपा(माओवादी केन्द्र)का उपमहासचिव वर्षमान पुन अनन्तले राजनीतिक दलका नेताहरु शिशाको घरमा रहेका...

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...