News Portal

  • भक्तपुरका पत्रकार ढकाललाई आर्थिक सहयोग

    भक्तपुरपोस्ट संवाददाता भक्तपुर, ३० बैशाख २०७८
    ७५५ पटक
    भक्तपुर, ३० बैशाख २०७८

    नेपाल पत्रकार महासंघ जिल्ला शाखा भक्तपुरले कोरोना संक्रमित भई स्वास्थ्य लाभ गरिरहेका पत्रकार हेमराज ढकाललाई स्वास्थ्य सामग्रीसहित आर्थिक सहयोग प्रदान गरेको छ । कार्यसमिति सहसचिव समेत रहेका पत्रकार ढकाल रातोपाटी अनलाइनसंग आवद्ध छन् ।

    ढकाललाई नेपाल पत्रकार महासंघ उपत्यका प्रदेश समितिबाट प्राप्त नगद रु १० हजार, पत्रकार निशा ओलीबाट प्राप्त रु ५ हजार र महासंघ भक्तपुर शाखाको तर्फबाट रु ५ हजार गरी २० हजार रुपैया नगद सहयोग गरिएको अध्यक्ष जगतकृष्ण प्रजापतिले जनाएका छन् ।

    पत्रकार ढकाल घरमै स्वास्थ्यलाभ गरिरहेकोले विहीबार उनको भाइमार्फत उक्त नगद अध्यक्ष प्रजापतिले हस्तान्तरण गरेका हुन् । पत्रकार ढकाललाई मास्क, स्यानिटाइजर लगायतका स्वास्थ्य सामग्री समेत प्रदान गरिएको थियो । उक्त अवसरमा प्रदेश समितिका सचिव अमर भुजु र जिल्ला सचिव संजीप घिमिरे’शुभचिन्तक’ को समेत उपस्थिति रहेको थियो ।

    कोरोना संक्रमण भएपछि ढकालको भक्तपुर अस्पतालको हाई केयर युनिटमा उपचार भएको थियो । स्वास्थ्य स्थिति गम्भिर बन्दै गएपछि उनलाई मध्यपुर थिमिस्थित नेपाल कोरिया मैत्री नगरपालिका अस्पतालको आईसीयुमा राखी थप उपचार भएको थियो । उनी हाल डिस्चार्ज भई घरमै स्वास्थ्य लाभ गरिरहेका छन् । महासंघले सहसचिव ढकाल लगायत स्वास्थ्य लाभ गरिरहेका सबैको शिघ्र र पूर्ण स्वास्थ्य लाभको कामना गरेको छ । हाल महासंघ भक्तपुरका छ जना सदस्यहरु कोरोना संक्रमित भई स्वास्थ्य लाभ गरिरहेका छन् ।

    यसैबीच, नेपाल पत्रकार महासंघ भक्तपुर शाखाको पत्रकार कल्याण कोषमा मध्यपुर थिमि ४ का स्थानीय सिद्धि श्रेष्ठले नगद ५ हजार सहयोग गरेका छन् । कोरोना भाइरस संक्रमणको यस कठिन समयमा समेत जनतालाई सुसूचित गर्ने कर्तब्य निर्वाह गर्दागर्दै संक्रमित हुनपुगेका पत्रकारको हौसला बढाउन तथा उपचारका लागि कोषमा आर्थिक सहयोग गर्न आम संचारप्रेमी जनसमुदायसंग महासंघ भक्तपुरका सचिव संजीप घिमिरेले अनुरोध गरेका छन् ।

    प्रतिकृया दिनुहोस्

    देश वृद्धाश्रम बन्ने खतरा रहेको उपप्रधान एवं गृहमन्त्री श्रेष्ठको खुलासा

    काठमाडौँ । उपप्रधान तथा गृहमन्त्री नारायणकाजी श्रेष्ठले युवाहरू बिदेसीने र उतै पलायन हुने क्रम बढेकोले...

    भक्तपुरको समाजलाई बुद्धिजीवीकरण गर्न र अनुशासित बनाउन स्काउट महत्त्वपूर्ण

    भक्तपुर । भक्तपुुरका नवनियुक्त स्काउटहरुलाई पदाधिकारीहरुलाई बधाई तथा शुभकामना कार्यक्रम सम्पन्न भएको छ । नेपाल...

    अस्पतालमा रुद्री !

    भौतिकवादको थलो अस्पतालमा भगवान शिवको आरधना गर्दै रुद्री पूजा गरिएको छ । वागमती प्रदेश सरकारको...

    भान्सामा महंगीको मार पर्न नदिन पहल, सस्तियो मूल्य

    भान्सामा प्रयोग हुने मसाला जिराको भाउ भारीमात्रामा घटेको छ । पछिल्लो समय जिराको मूल्य घटेको...

    ३५ दिनदेखि सिटिइभिटिका कर्मचारीहरु आन्दोलित, पेल्ने पक्षमा नेतृत्व

    सानोठिमीस्थित प्राविधिक शिक्षा तथा व्यावसायिक तालिम परिषद (सिटिइभिटि) का कर्मचारीहरु आन्दोलित भएका ३५ दिन पुगेको...