News Portal

  • भक्तपुर अस्पतालले पनि आफ्नै अक्सिजन प्लान्ट राख्ने

    भक्तपुरपोस्ट संवाददाता भक्तपुर, १ जेठ २०७८
    ३९४७ पटक
    भक्तपुर, १ जेठ २०७८

    अक्सिजनको हाहाकारले उपचार प्रभावित भएपछि भक्तपुर अस्पतालले आफ्नै अक्सिजन प्लान्ट राख्ने प्रक्रिया शुरु गरेको छ । मेसु डा सुमित्रा गौतम र अध्यक्ष मिलन सुवालको पहलमा अस्पतालले आफ्नै अक्सिजन प्लान्ट राख्न लागेको हो ।

    मेसु डा सुमित्रा गौतमले करिब ४ हजार लिटरको दैनिक अक्सिजन आपूर्ती हुनसक्ने प्लान्ट स्थापना गरिने जानकारी गराइन् । यसका लागि बागमती प्रदेश सरकारको मन्त्रीपरिषद बाट निर्णय भएको उनले बताइन् । करिब २ करोड लागतमा युएस कम्पनीको प्लान्ट जडाँन हुने र यसले दीर्घकालीन रुपमा अक्सिजन आपूर्तीको समस्या केहि हदसम्म समाधान हुने मेसु गौतमले बिश्वास व्यक्त गरेकी छन् ।

    मेसु गौतमले तत्काल अक्सिजन प्लान्ट जडानका लागि निर्णय गर्न प्रदेश सरकारको सामाजिक विकास मन्त्रालयलाई पत्राचार गरेपनि भर्खरै मात्र मन्त्रीपरिषद बाट उक्त निर्णय भएको हो । निरन्तरको फलोअप र आवश्यकताको अनिवार्यर्ता बारे अवगत गराइएपछि उक्त निर्णय गराउन सफलता प्राप्त भएको अध्यक्ष सुवाल सुनाउछन् । भक्तपुरमा मध्यपुर थिमी नगरपालिका द्वारा संचालित नेपाल कोरिया मैत्री नगरपालिका अस्पतालले आफै अक्सिजन उत्पादन शुरु गर्न प्लान्ट जडान गरि परीक्षण समेत गरिसकेको छ ।

    कोभिड १९ संक्रमितको उपचारको लागि जिल्लाकै अग्रणी अस्पताल भएपनि राजनीतिक र प्रशासनिक अदुरदर्शीताका कारण भक्तपुर अस्पतालले भने पछिल्लो समय अक्सिजन प्राप्त गर्न नसक्दा अस्पतालका डाक्टरहरुलाई कोभिडका बिरामी हेर्ने र अक्सिजन खोज्ने दुवै काम उत्तिकै चुनौतीपूर्ण बनेको देखिन्छ । कोभिडको निशुल्क उपचार गर्ने जिल्लाको एकमात्र सरकारी अस्पताल भएपनि सरकारले यसलाई कम महत्व दिएको अस्पताल प्रशासनको गुनासो छ । कोभिड बिरुद्ध प्रथम दिनबाटै मैदानमा रहेको यस अस्पतालका मेसु डा सुमित्रा गौतम आफै कोभिड संक्रमित भएकी छन् तरपनि उनलाई आफ्नो स्वास्थ्यका लागि आराम गर्ने फुर्सद देखिदैन । बिरामी बचाउन उनको अस्पतालमै बास भएको छ । अक्सिजन उत्पादक, चिनजानका मान्छेहरु र अधिकारीहरुसंग हारगुहार गर्दै उनले जेनतेन अक्सिजनको जोहो गरिरहेकी छन् । तराईका अस्पतालमा काम गरिसकेकी उनले आफ्नो व्यक्तिगत सम्बन्धका आधारमा तराईका जिल्लाबाट अक्सिजन ल्याउन सफलता प्राप्त गर्दा बिरामीको ज्यान जोगिएको छ । भक्तपुरमा कौसल्टारस्थित भक्तपुर इन्टरनेश्नल अस्पतालमा एक साता अघि अक्सिजन सकिदा उपचाररत २ बिरामीको ज्यान गएको थियो । भक्तपुर अस्पतालमा त्यो अवस्था आउँन नदिन आफूहरु तल्लीन रहेको तर परिस्थिति काबू बाहिर जाने हो कि भन्ने डर दिनहू हुने मेसु गौतम बताउछिन् ।

    हाल भक्तपुर अस्पतालमा कोभिड संक्रमित पैसठ्ठी बिरामीले उपचार सेवा पाइरहेका छन् । पन्ध्र बेड अक्सिजन अभावले बन्द गरिएको अवस्था छ । सजिलो बेलामा सबैले जस लिन खोजेपनि स्वास्थ्य संकटको यस घडीमा अस्पताललाई सहयोग गर्नेहरु कम देखिएका मेसु गौतमको गुनासो छ । राज्यका सबै अंग सक्रिय हुने र सबैले उत्तिकै महत्वका साथ् कोभिड बिरुद्धको लडाइमा सामेल हुने हो भने मात्र यसलाई परास्त गर्न सकिने अन्यथा अस्पताल र स्वास्थ्यकर्मीले मात्र सम्भव नहुने उनको भनाइ छ । मेसु डा गौतमले भक्तपुर अस्पतालका आधा दर्जन स्वास्थ्यकर्मी समेत संक्रमित रहेको जानकारी दिंदै यस विषम परिस्थितिमा अस्पताललाई आफ्नै सम्झेर हौसला र सहयोगका लागि आम जनसमुदाय संग भक्तपुर पोस्टमार्फत अपिल समेत गरेकी छन् ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...