News Portal

  • भक्तपुरमा बिपन्न सुत्केरीलाई वाइसिएलको खाद्यान्न सहयोग

    भक्तपुरपोस्ट संवाददाता भक्तपुर, १ जेठ २०७८
    १७९७ पटक
    भक्तपुर, १ जेठ २०७८

    मध्यपुर थिमी वडा नं. ३ गठ्ठाघरमा डेरागरी बस्ने एक बिपन्न महिलालाई वाइसिएलले राहत दिएको छ । २ महिनाको सुत्केरी र २ जना नानिको आमा समेत रहेकी उनलाई राहत प्रदान गरिएको हो ।

    ठेलागाडामा पानीपुरी बैच्दै गुजारा चलाउने उनको परिवार लकडाउन भएसंगै दुई छाक टार्न समस्यामा परेपछि वाइसिएलको भक्तपुर क्षेत्र नम्बर २ का संयोजक नरेश रन्जितको नेतृत्वमा १ महिना पुग्ने खाद्यान्न दिइएको हो ।

    अभियन्ता कपिल कस्पाल र डा.मनिसा कार्कीले पिडितको दयनीय अवस्थाबारे अवगत गराएपछि वाइसिएल नेपाल भक्तपुर जिल्ला समितिको तर्फबाट सहयोग गरिएको संयोजक रन्जितले जानकारी दिए । उक्त सहयोग हस्तान्तरणका अवसरमा वाइसिएल नेपाल बागमति प्रदेश सदस्य राजु कुटु त्यसैगरी कैलाश सिलवाल, डिकेन कुटु र बिकाश श्रेष्ठको समेत उपस्थिति रहेको थियो ।

    उनीहरुले १ बोरा चामल, ३ केजी दाल, १ केजी चिनी,२ केजी गेडागुडी, २ केजी चिउरा,२ पाकेट बिस्कुट १ पाकेट दालमोठ, १ लिटर तेल, १ धार्नी आलु, ३ पाकेट मस्यौरा, १ क्रेट अण्डा लगायतका खाद्यवस्तु प्रदान गरेका थिए । जनताको दुख वाइसिएल देख्न नसक्ने भन्दै संयोजक रन्जितले आफूहरु जनताको दुखमा सधै साथ् रहेको स्मरण गर्दै आफ्नो छाक काटेर भएपनि खान नपाउनेहरुलाइ निरन्तर सहयोग गर्ने बताए । यो बिषम परिस्थितिमा सक्नेको सानो सहयोगले नसक्ने धेरै मानिस भोकै बस्नु पर्ने अवस्था नरहने भन्दै उनले आ-आफ्नो ठाउँबाट सहयोगका लागि अपिल समेत गरेका छन् ।

    प्रतिकृया दिनुहोस्

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...

    साथीको घरमा युवकको शव फेला

    भक्तपुरको चाँगुनारायण– ४ मा एक युवक मृत फेला परेका छन् । १९ वर्षीय निरोज लामा...

    चाँगुनारायणमा ५० जनालाई झोल साबुन बनाउने तालिम

    प्रमुख प्रतिपक्षी दल नेकपा (माओवादी केन्द्र) को महिला संगठन अनेमसंघ (क्रान्तिकारी)ले चाँगुनारायणमा सिपयुक्त स्वरोजगार गृहिणी...

    भारतमा नेपाली विद्यार्थीमाथि दमन भएको भन्दै भक्तपुरमा बिरोध प्रदर्शन

    भारतको ओडिसा राज्यको राजधानी भुवनेश्वरस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा अध्ययनरत एक नेपाली...

    कुकुरलाई हेर्ने दृष्टिकोण बदलौँ !

    “कुकुर” समाजमा हुने अरु प्राणीसरह नै हो । अझ भन्ने हो भने कुकुरको काम अरू...