भक्तपुर, १५ जेठ २०७८,शनिबारसरकारले आगामी आर्थिक वर्ष २०७८/७९को लागि१६ खर्ब ४७ अर्ब ५७ करोड रुपियाँको बजेट प्रस्तुत गरेको छ । सरकारको तर्फबाट अर्थमन्त्री बिष्णु पौडेलले शनिवार उक्त बजेट प्रस्तुत गरेका हुन् ।
अर्थमन्त्री पौडेलले शनिवार चालूतर्फ ६ खर्ब ७८ अर्ब ६१, पुँजीगततर्फ ३ खर्ब ४७ अर्ब २६ करोड, वित्तीय व्यवस्थातर्फ २ खर्ब ७ अर्ब ९७ करोड र वित्तीय हस्तान्तरणतर्फ ३ खर्ब ८६ अर्ब ७१ करोड रुपैयाँ बजेट विनियोजन गरेका छन् ।
अर्थमन्त्री पौडेल लाई शनिबार बजेट बाचन गर्न करिब पौने तीन घण्टा समय लागेको थियो । अध्यादेश मार्फत ल्याइएको यस आवको बजेटमा केहि नयाँ कार्यक्रम रहेपनि बाँकी पुरानैलाई निरन्तरता दिइएको छ ।
प्रमुख प्रतिपक्षी दलहरुले पूर्णआकारको बजेट नल्याउन भनिरहँदा सरकारले भने पूर्ण आकारको बजेट प्रस्तुत गरेको छ । आलोचकहरुले बजेट चुनाबी प्रोपोगान्डा र जनतालाई ललिपप बाड्ने जस्तो भएको र यसले लक्ष प्राप्त नगर्ने प्रतिक्रिया दिएका छन् ।
हेर्नुस बजेटको पूर्णपाठ
तस्वीर : सुजन गुरुङ/गोरखापत्रबाट
