भक्तपुर, २१ जेठ २०७८भक्तपुरका नेता एवं निवर्तमान संघीय सांसद महेश बस्नेत मन्त्री नबन्ने भएका छन् । प्रधानमन्त्री केपी शर्मा ओलीले मन्त्रीमण्डल पुनर्गठन गर्दा नेता बस्नेत मन्त्री नबन्ने पक्कापक्की भएको हो ।
नवनियुक्त मन्त्रीहरू लाई बेलुकी ८ बजे शीतलनिवासमा सपथ ग्रहणको कार्यक्रम राखिएको छ । बस्नेत निकट श्रोतले भने मन्त्रीको सपथ ग्रहणका लागि सूचना नआएको बताएको छ । जनता समाजवादी पार्टी नेपालका नेताहरुलाई सरकारमा भित्राउन गरिएको मन्त्री मण्डल पुनर्गठनमा नेकपा एमालेका तर्फबाट पनि केहि मन्त्री हेरफेर हुने भएका छन् ।तर, यसपटक पनि नेता बस्नेत बाहिरै भएका श्रोतले जनाएको छ ।
एमालेबाट शेरबहादुर तामाङले स्वास्थ्य र रघुवीर महासेठले परराष्ट्रमन्त्रीका इन्ट्री मार्ने बताइएको छ । जसपाका राजेन्द्र महतोको नेतृत्वमा ७ मन्त्री बन्दैछन भने उनीहरुलाई साना मन्त्रालयमै चित्त बुझाइएको बताएको छ । श्रोतका अनुसार खाली रहेका रक्षा र गृहसहित सात मन्त्रालय प्रधानमन्त्री ओलीले राख्ने भएका छन् ।
प्रधानमन्त्री ओलीले अर्को विस्तारमा बस्नेतलाई मन्त्री बनाउने आस्वासन दिएका तर आफू निर्वाचनमा पराजित हुँदा मन्त्री बनाएका ओलीले निर्वाचित भएपछि पटक पटक मन्त्रीमण्डल पुनर्गठन गर्दा पनि आफूलाई नसमेटे पछि उनी निरास भएका बताइन्छ । यद्यपी, उनी निकट श्रोतले नेता बस्नेत मन्त्रीको दौडमा नरहेको जिकिर गरेको छ ।