भक्तपुर ,२६ जेठ २०७८, बुधबारचाँगुनारायण नगरपालिका आगामी आर्थिक वर्ष २०७८/७९ का लागि नीति तथा कार्यक्रम र बजेट तर्जुमा सम्बन्धी कार्यकोलागि योजना छनोटमा जुटेको छ ।
नगरपालिकाले यतिखेर सामाजिक सञ्जाल, टेलिफोन र इमेलमार्फत सुझाव दिन र योजना माग गर्न राजनीतिक दल,संघ संस्था ,बुद्धिजीवी, नागरिक समाज , विज्ञ , व्यवसायी , समाजसेवी , पेशाकर्मी , कर्मचारी , संचारकर्मी लगायत आम नागरिकहरुलाई अपील गरेको छ । चाँगुनारायण नगरपालिकाले टेलिफोन र इमेलमार्फत सुझाव दिन नगरवासीलाई जेठ मसान्त सम्मको समय राखेको छ ।
स्थानीय सरकारले नीति तथा कार्यक्रम र बजेट ल्याउने कार्य भएकोले समग्र चाँगुनारायण नगरपालिकालाई समृद्ध बनाउनका लागि नगरवासीहरुलाई आवश्यक अमुल्य सुझावहरु तथा कार्यक्रमहरु पठाउनका लागि नगरपालिकाले अनुरोध गरेको छ ।
कानूनीरूप अनुसार आगामी असार १० गतेसम्म नीति तथा कार्यक्रम र बजेट परिषद्मा टेबल गर्नुपर्ने प्रावधानानुसार स्थानीय तह टोल बस्तीमा सुझाव संकलनमा जुटेका हो ।
हाल कोरोना भाइरस सङ्क्रमण समुदायस्तरमै फैलिएको छ । चाँगुनारायण नगरपालिकामा मात्र हिजो जेठ २५ गते सम्म जम्मा संक्रमित २,२६५ छन् भने निको हुनेमा २०७१ रहका छन् । त्यस्तै सक्रिय संक्रमित भने १५७ ,एकान्तवासमा १५७ रहेका छन् । हाल सम्म चाँगुनारायण नगरमा ३७ जनाको मृत्यु भएको छ । महामारीका बीच आउने नीति तथा कार्यक्रम र बजेटलाई नगरबासीहरुले कौतुहलताका साथ हेरेका छन् । एकातिर चालु वर्षका योजना सम्पन्न गर्नुपर्ने, अर्कोतर्फ आगामी वर्षका योजना छनोटको चाप नगरपालिकामा परेको छ । महामारीको जोखिम भए पनि विकास निर्माणका कार्य र कार्यालयका अत्यावश्यक सेवा सञ्चालनमा रहेको नगरपालिकाले जनाएको छ ।
स्थानीय सरकारले नीति तथा कार्यक्रम र बजेट ल्याउने कार्य भएकोले समग्र चाँगुनारायण नगरपालिकालाई समृद्ध बनाउनका लागि नगरवासीहरुला आवश्यक अमुल्य सुझावहरु तथा कार्यक्रमहरु पठाउनका लागि नगरपालिकाले अनुरोध गरेको छ । कानूनीरूप अनुसार आगामी असार १० गतेसम्म नीति तथा कार्यक्रम र बजेट परिषद्मा टेबल गर्नुपर्ने प्रावधानानुसार स्थानीय तह टोल बस्तीमा सुझाव संकलनमा जुटेका छन् ।
