News Portal

  • कोभिड १९ संक्रमण भएमा तनाव नलिन डाक्टर ढुंगेलको सुझाव

    भक्तपुरपोस्ट संवाददाता भक्तपुर, २६ जेठ २०७८
    १३४६ पटक
    भक्तपुर, २६ जेठ २०७८

    कोभिड १९ संक्रमण भएमा तनाव नलिन डाक्टर सुनिल ढुंगेलले सुझाव दिएका छन् । तनावले रोग प्रतिरोधी क्षमतालाई असर गर्ने र त्यसले भाइरस विरुद्धको लडाई कमजोर हुने उनको भनाइ छ ।

    भक्तपुर सांगीतिक समाजद्वारा जनचेतनाका लागि आयोजित अनलाइन वेभिनारमा भक्तपुर अस्पतालका डाक्टर ढुंगेलले कोभिड संक्रमित केयरफूल हुनुपर्ने डर आतंकित हुनु नहुने बताएका हुन् । कोभिड बिरामीले आफूलाई बिरामी ठानेर जाउलो खाएर बस्नु नपर्ने उनले बताए ।

    डाक्टर ढुंगेलले संक्रमित व्यक्तिलाई अघिपछिको भन्दा बढी पौष्टिक आहारको आवश्यकता हुने हुँदा प्रोटिनयुक्त खानेकुरा बढी सेवन गर्नुपर्नेमा जोड दिएका छन् । माछा, मासु, दुध,अण्डा, फलफूल, दाल,कागती, सागसब्जी लगायतका खानेकुरा पहिलेभन्दा बढी खानुपर्ने उनको सुझाव छ । यद्यपी दीर्घ रोगीले निषेध गरिएका खानेकुरा भने खानु नहुनेमा पनि उनले सचेत गराएका छन् ।

    संक्रमित व्यक्तिलाई निमोनिया नभए सामान्य अवस्था मानिने उनले बताए । डा ढुंगेलले लक्षण नभएका कोभिड पोजेटिभ व्यक्तिबाट ७ दिनपछि रोग नसर्ने र लक्षण भएकाबाट पनि १० दिन पछि रोग नसर्ने जनाएका छन् । डा ढुंगेलले होम आइसोलेसन बस्दा चिकित्सकीय निगरानीमा रहन र स्वास फेर्न गाह्रो भएमा, अक्सिजन लेभल ९४ भन्दा कम भएमा, ज्वरो नघटेमा, टाउको दुखिरहेमा, रिंगटा लागिरहेमा र अन्य जटिल स्वास्थ्य समस्या महसुस भएमा तुरुन्त अस्पताल आउँन पनि आग्रह गरेका छन् । कोभिडको मृत्यु दर धेरै कम भएकोले मर्छुकी भन्ने डर नराख्न उनले आग्रह गरे ।

    डा ढुंगेलले यो सिजनको हरेक रुघाखोकी वा ज्वरो कोरोना हो भन्ने ठानेर आइसोलेसनमा बस्नुपर्ने, टेस्ट गराउनुपर्ने र चिकित्सकीय परामर्स अनुसार अघि बढ्नुपर्ने बताए । उनले कोभिड हुनु सामान्य कुरा भएको तर कोभिड फैलाउनु अपराध भएको भन्दै हरेक नागरिकले सचेततापूर्वक नागरिक दायित्व पूरा गर्नुपर्ने र स्वास्थ्य मापदण्ड अपनाउनुपर्नेमा जोड दिएका छन् ।

    डा ढुंगेलले बुधवार भक्तपुर सांगीतिक समाजका उपाध्यक्ष समेत रहेका गायक एवं संचारकर्मी कपिल कस्पाल संग कुराकानी गर्दै उक्त कुराहरु बताएका हुन् ।

    कार्यक्रममा समाजका कोषाध्यक्ष तथा गायक रोशन धौभडेलद्वारा गाइएको कोभिड सम्बन्धी गीत “सचेत रहौ”को बिशेष प्रशारण पनि गरिएको थियो । उक्त अवसरमा सहभागीहरुलाई सचिब अल्बर्ट बज्राचार्यले स्वागत गरेका थिए भने समाजका अध्यक्ष प्रविण शाहीले धन्यवाद ज्ञापन गरेका थिए ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...