News Portal

  • प्रधानमन्त्री ओलीले बिर्सिए बचन : भक्तपुरमाथि धोका

    भक्तपुरपोस्ट संवाददाता भक्तपुर, २७ जेठ २०७८
    १८९२ पटक
    भक्तपुर, २७ जेठ २०७८

    प्रधानमन्त्री केपी शर्मा ओलीले फेरिपनि मन्त्रीमण्डल पुनर्गठन गरेका छन् । ओली सरकारको सम्भवत अन्तिम मन्त्रीमण्डलमा पनि उनका विश्वासपात्र भनिएका भक्तपुरका नेता महेश बस्नेतलाई बाहिरै पारिएको छ ।

    सांसद नहुँदा उद्योग मन्त्री बनेका बस्नेतले यसपाली भने निर्वाचित सांसद भएर पनि मन्त्री पद पाएनन् । प्रधानमन्त्री ओलीले पटकपटक मन्त्रीपरिषद पुनर्गठन गरी इतिहास बनाए तर नेता बस्नेत उनको आखाँमा पर्न सकेनन । संसद बिघटन भएपछि बस्नेतको पनि सांसद पद गएको र बल्ल उनको मन्त्री बन्ने योग आएको भनी उनका विरोधीले व्यंग्य समेत गरेका थिए । तर, यसपटक पनि उनी मन्त्री नबनेपछि सामाजिक संजालमा उनलाई मन नपराउनेहरुले खुशीयाली नै मनाएको देखिन्छ ।

    विपक्षी पार्टीका मात्र होइन, उनको आफ्नै पार्टी र ओली गुटकै केहि नेताकार्यकर्ताहरुले पनि घरगृहस्ती चलाउन नसक्ने भएको भन्दै उनको खिल्ली उडाएका छन् ।

    खासमा नेता बस्नेत गृह मन्त्री हुनुपर्ने भन्दै उनका समर्थकहरुले आवाज उठाएका थिए । सामाजिक संजालमा देशव्यापी रुपमै युवाहरुको समर्थन उनको पक्षमा देखिएको थियो । उनी निकट श्रोतका अनुसार गृह नभएपनि संचार वा अन्य कुनै एक मन्त्रीमा बस्नेतको नाम आउने आस्वासन मिलेको थियो । तर, राष्ट्रिय राजनीतिको खेलाडीका रुपमा उदाउन खोजेका नेता बस्नेत पार्टीको आफ्नै गुट भित्र पनि प्रभावशाली बन्न नसकेको पुष्टि भएको छ ।

    यद्यपी नेता बस्नेतले आफ्नो राजनैतिक जीवनमा पद प्राप्ति ठुलो बिषय कहिले नबनेको बताएका छन् । तर, पटक पटकको बिश्वास्घातले उनको मन कुडिएको देखिन्छ । उनले आफ्नै पार्टीका सहयोद्धाहरु आफूलाई मन्त्री बनाउनै नहुने भन्ने अभियानमा ब्यापक लाग्ने गरेका खुलासा समेत गरेका छन् । ”मेरो सफलतामा कोही आफ्नो राजकाज सकिन्छ भन्ने ठान्छन ।” उनले सामाजिक संजालबाटै उक्तकुरा सार्वजनिक गरे ।

    आफना सहयोद्धाहरु कोही मन्त्री बनाउने पक्षमा र कोही बनाउनै हुदैन भन्ने पक्षमा लागेका उनले बताए । यसरी हेर्दा उनका पक्षका भन्दा विपक्षका मानिसहरु बलिया सावित भएका छन् । कुनैबेला अध्यक्ष ओलीको अति विश्वासपात्र भित्र पर्ने नेता बस्नेत यतिबेला निरिह देखिएका छन् ।

    त्यतिमात्र होइन, भक्तपुरको चुनावी अभियानमा मतदातासामू बस्नेतलाई जिताए मन्त्री बनाइदिने सार्वजनिक बचन दिएका एमाले अध्यक्ष ओलीले आफू प्रधानमन्त्री भएपछि भने उक्त बचन बिर्सिएर धोका दिएका छन् । महेश बस्नेत मन्त्री नबन्नुमा जति उनका पार्टी भित्रकै विरोधीहरुको हात छ, त्यो भन्दा बढी प्रधानमन्त्री ओलीको उदासिनता कारक रहेको मान्न सकिन्छ । बचन दिएर पनि महेश बस्नेतलाई मन्त्री नबनाउनु भनेको बस्नेत माथिको अविश्वास र उपेक्षा मात्र होइन, भक्तपुरका मतदाता माथिको धोका पनि हो ।

    कतिपय मिडियाले आफ्नो नाम जोडेर मन्त्री नबनेपछि आक्रोसमा रहेको र गुट फेर्ने सोचमा रहेको जस्ता समाचार लेखिरहेका र त्यो सत्य नभएको भन्दै नेता बस्नेतले आफू अझैँ ओलीकै पक्षमा रहेको प्रष्ट पारेका छन् । पद नपाउदा बिचलनमा आउने आफू अवसरवादी चरित्रको नभएको र पटकपटक अग्नि परिक्षामा होमिन तयार रहेको नेता बस्नेतले बताएका छन् । तर, भक्तपुरकै बालकोटमा बासस्थान बनाएका प्रधानमन्त्री ओलीले बालुवाटारबाट फर्केपछि भक्तपुरमा बस्नेतका मतदातालाई उत्तर के देलान् त्यो सुन्न बाँकी नै छ ।

    प्रतिकृया दिनुहोस्

    देकोचामा बसको ठक्करबाट ज्यान गुमाएका मानिसको खुलेन पहिचान

    भक्तपुरको देकोचामा मंगलबार यात्रुबाहक बसको ठक्करबाट ज्यान गुमाएका मानिसको पहिचान हुन सकेको छैन । बुधबार...

    आशापुरीमा झ्याङ्छुप छ्योर्तेन स्तुपा र बुद्धपार्कको उद्घाटन

    भक्तपुरको सूर्यविनायक- ८ संगै जोडिएको काभ्रेको बनेपा-१४ आशापुरीमा श्री झ्याङ्छुप छ्योर्तेन स्तुपा र बुद्धपार्कको उद्घाटन...

    बिमान दुर्घटनामा सूर्यविनायक नगर अस्पतालका निर्देशक बर्माको भाइको निधन

    बुधवार बिहान त्रिभुवन बिमानस्थलमा भएको सौर्य एयरलाइन्सको जहाज दुर्घटनामा परी १८ जनाको ज्यान गएको छ...

    सौर्य एयरलाइन्स विमान दुर्घटना: १५ जनाको गयो ज्यान, ४ को जिवितै उद्धार

    सौर्य एयरलाइन्सको विमान दुर्घटनामा चार जनाको उद्धार गरिएको नेपाल प्रहरीले जानकारी दिएको छ । उद्धार...

    बानियाँलाई परास्त गरेका बहादुरसिंह बने काँग्रेसबाट बागमतीमा पहिलो मुख्यमन्त्री

    बागमती प्रदेश सरकारको मुख्यमन्त्रीमा बहादुरसिंह लामा नियुक्त भएका छन् । मंगलबार प्रदेश प्रमुख यादव चन्द्र...