भक्तपुर, २९ जेठ २०७८वाग्मती प्रदेश सभामा आफूले दिएको अभिव्यक्तिप्रति काँग्रेस सांसद नरोत्तम वैद्यले आत्मालोचना सहित उक्त अभिव्यक्ति फिर्ता लिएका छन् । प्रधानमन्त्रीविरुद्ध शुक्रबार दिएको विवादास्पद अभिव्यक्ति उनले फिर्ता लिएका हुन् ।
शनिबार प्रदेश सभाको बैठक सुरु भए लगत्तै सभामुखसँग समय मागेर उनले भावावेशमा आएर त्यस्तो अभिव्यक्ति दिएको भन्दै आत्मालोचना सहित सो अभिव्यक्ति फिर्ता लिएका हुन् ।उनले आत्मालोचनासहित अभिव्यक्ति फिर्ता लिँदै सो अभिव्यक्ति संसदको रेकर्डबाट हटाउन अनुरोध गरेपछि सभामुखले सो अभिव्यक्ति रेकर्डबाट हटाउन निर्देशन दिएका छन् ।
शुक्रबारको बैठकमा सांसद बैद्यले प्रधानमन्त्रीको मनोमानीले देशै नरहने खतरा बढेको बताउदै त्यो रोक्न नाथुराम गोड्सेको आवश्यकता रहेको र आवश्यक परे आफू नै गोड्से बन्ने बताएका थिए । उनको सो अभिव्यक्तिको चौतर्फी विरोध भएको थियो भने उनकै पार्टी काँग्रेसले समेत अभिव्यक्ति फिर्ता लिन निर्देशन दिएको थियो ।
वैद्य काठमाडौ निर्वाचन क्षेत्र नम्बर ४ क बात प्रदेश सभा सदस्यका लागि निर्वाचित सांसद हुन् ।
