News Portal

  • नेता बस्नेतको पहलमा व्यवसायी मल्होत्राले दिए सूर्यविनायकलाई २० थान अक्सिजन सिलिन्डर

    भक्तपुरपोस्ट संवाददाताभक्तपुर, १ असार २०७८
    १८९१ पटक
    भक्तपुर, १ असार २०७८

    पूर्व उद्योग मन्त्री समेत रहेका भक्तपुरका निवर्तमान सांसद एवं नेकपा (एमाले)का नेता महेश बस्नेतको पहलमा व्यवसायी दिपक मल्होत्राले सूर्यविनायक नगरपालिकालाई सहयोग गरेका छन् । व्यवसायी मल्होत्राले नगरपालिकालाई २० थान अक्सिजन सिलिन्डर सहयोग गरेका हुन् ।

    मंगलवार व्यवसायी मल्होत्राले कटुञ्जेस्थित सूर्यविनायक नगर कार्यपालिकाको कार्यालयमा आयोजित एक कार्यक्रमका बीच उक्त सहयोग हस्तान्तरण गरेको नगरपालिकाले जनाएको छ । व्यवसायी मल्होत्रा र नेता बस्नेतले संयुक्त रुपमा नगर प्रमुख बासुदेव थापालाई उक्त सिलिन्डर हस्तान्तरण गरेका छन् । आफ्नो क्षेत्रलाई सम्झेर सहयोग गरेको प्रति नेता बस्नेतले व्यवसायी मलहोत्रालाई धन्यवाद दिंदै आभार प्रकट गरे । उनले निजी क्षेत्रको साथ् र सहयोगले सरकार र जनतालाई कोभिड १९ बिरुद्ध लड्ने साहस बढेको बताए ।

    कार्यक्रममा सूर्यविनायक नगर प्रमुख बासुदेव थापाले जनताको स्वास्थ्य सुरक्षाका लागि नगरपालिकाले गरेका प्रयासबारे अवगत गराउदै जगातीमा संचालनमा आउन लागेको नगर अस्पतालसंगै नगरको स्वास्थ्य क्षेत्रमा नयाँ युग शुरु हुने जिकिर गरे । उक्त अवसरमा नगर उपप्रमुख जुना बस्नेत, भक्तपुर सिडिओ प्रेमप्रसाद भट्टराई लगायतको समेत उपस्थिति रहेको थियो ।

    सहयोग हस्तान्तरणबाट आफूलाई सन्तोष मिलेको व्यवसायी मल्होत्राले भक्तपुरपोस्टसंग प्रतिक्रिया दिए । नेपाल चेम्बर अफ कमर्सका उपाध्यक्ष समेत रहेका व्यवसायी मल्होत्राले सामाजिक सस्था डीएम फाउन्डेसन मार्फत सामाजिक काम गर्दै आएका छन् । कोरोना भाइरस संक्रमणको महामारीमा अक्सिजन अभाव भए संगै उनले चीनबाट अक्सिजन सिलिन्डर खरिद गरी अस्पतालहरुलाई निशुल्क उपलब्ध गराउदै आएका बताइएको छ । सूर्यविनायक नगरपालिकालाई पनि सोही संस्थामार्फत सहयोग गरिएको हो । यस अघि उनी नेतृत्वको व्यवसायिक समूह आइएमएसले सरकारलाई २ हजार २ सय ५० थान सिलिन्डर चीनबाट खरिद गरी सहयोगस्वरूप उपलब्ध गराएको थियो ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...