News Portal

  • नेपाली कांग्रेस भक्तपुरले हेलम्बुमै पुगेर बाड्यो राहत

    भक्तपुरपोस्ट संवाददाता भक्तपुर, ११ असार २०७८
    ९३१ पटक
    भक्तपुर, ११ असार २०७८

    नेपाली काँग्रेस भक्तपुरले सिन्धुपाल्चोकको हेलम्बू गाउँपालिकाका बाढी पिडितलाई राहत वितरण गरेको छ । जिल्ला नेताहरु बिहिवार उक्त क्षेत्रमै पुगी राहत वितरण गरेका हुन् ।

    जिल्ला उपसभापति हरि प्रसाद नेपालको नेतृत्वमा नेपाली कांग्रेस बागमति प्रदेशका संसदिय दलका उपनेता एवम् प्रदेशसभा सदस्य कृष्णलाल भँडेल, क्षेत्रीय सभापतिद्धय जीवन खत्री र नारायणभक्त खायमली, जिल्ला सचिव निशान ढुंगेल, जिल्ला सदस्य सुशिल बस्नेत, भक्तपुरका वरिष्ठ नेता राजाराम खड्का, क्षेत्र नं. १ का क्षेत्रीय सचिव जनक खत्री, नेपाल तरुण दल भक्तपुरका अध्यक्ष राजु थापासहितको टोली हेलम्बु गाउँपालिका ३ तारामाराङ पुगेर राहत वितरण गरेको हो ।

    राहत सामग्री उपसभापति नेपालले हेलम्बु गाउँपालिकाका कार्यपालिका सदस्य लक्ष्मी सुनारलाई हस्तान्तरण गरेपछि स्थानीय नेपाली कांग्रेसका नेता एवम् समाजसेवी नारायण गिरीको व्यवस्थापनमा स्थानीय बाढी पिडितलाई वितरण गरिएको सचिव निशान ढुंगेलले जनाएका छन् । स्थानीय ६१ परिवारलाई राहत सामग्री वितरण गरिएको उनले जानकारी दिए ।

    भक्तपुरबाट कांग्रेसको टोली बिहीवार ९० बोरा चामल, चिउरा, तेल, दाल, सोयाविनलगायतका खाद्यान्न लिएर हेलम्बु पुगेको थियो । टोलीलाई जिल्ला सभापति दुर्लभ थापाले राहत वास्तविक पिडितले पाउनेगरी वितरण गर्न निर्देशन दिएका थिए ।

    राहत वितरणका लागि नेपाली कांग्रेसका केन्द्रीय सदस्य एवम् नेपाली कांग्रेस केन्द्रीय विपद व्यवस्थापन समितिका संयोजक मोहनबहादुर बस्नेतले स्थानीयस्तरमा सहजीकरण गरेका थिए ।

    सो अवसरमा जिल्ला सचिव निशान ढुंगेलले गत असार १ गते मेलम्ची नदिमा आएको बाढीले हेलम्बु र मेलम्चीमा पु¥याएको क्षति भयावह भएको भन्दै भक्तपुर काँग्रेसबाट थप सहयोगको प्रतिवद्धता समेत प्रकट गरे । यस अघि सिन्धुपाल्चोकका नेता एवं नेपाली कांग्रेस केन्द्रीय विपद व्यवस्थापन समितिका संयोजक मोहनबहादुर बस्नेतमार्फत भक्तपुर पार्टीले ३ लाख ५१ हजार रुपैंया गाउँपालिकालाई सहयोग गरेको जानकारी दिँदैं सचिव ढुंगेलले आवश्यक परे थप सहयोग गर्ने प्रतिवद्धता प्रकट गरेका हुन् ।

    प्रतिकृया दिनुहोस्

    सिरोहियाको पक्षमा उभिए सांसद थापा : ओलीमाथि आक्रोश, प्रचण्डप्रति गुनासो

    नेपाली कांग्रेसका तर्फबाट निर्वाचित भक्तपुर-२ का प्रतिनिधि सभा सदस्य दुर्लभ थापा कान्तिपुर मिडिया ग्रुपका अध्यक्ष...

    अनुमती मागेरै रोए महर्जन

    ललितपुर, १० जेठ २०८१ । मञ्च धुमधामले सजाइएको थियो । छेउमै नौमति बाजा घन्किरहेको थियो...

    स्थानीयले नियन्त्रणमा लिए मालबाहक टिपर

    बिशाल बस्नेत, महोत्तरी । अवैधानिकरुपमा नदीजन्य  पदार्थ ओसारपसार गरिरहेका टिपरहरुलाई स्थानीयहरुले नै नियन्त्रणमा लिएर प्रहरीलाई...

    पुँजीवादीहरु आफ्नो स्वार्थ सिद्ध गर्न प्रेस स्वतन्त्रताको कुरा गर्छन् : बिसंखे

    नेकपा (माओवादी केन्द्र) की स्थायी समिति सदस्य अन्जना बिसंखेले प्रेस स्वतन्त्रता पुँजीवादीहरुको कब्जामा परेको बताएकी...

    पाँचखालमा प्रदेश स्तरीय स्काउट क्याम्प हुने

    काभ्रेको पाँचखालमा प्रदेश स्तरीय वृहत स्काउट क्याम्प हुने भएको छ । नेपाल स्काउट पाँचखाल नगर...