बाल यौन दुराचारको आरोपमा एकाघरका अभिभावक नै पक्राउ परेका छन् । चाँगुनारायण नगरपालिका वडा नं. ८ सुडालमा डेरा गरी बस्ने ३१ वर्षीय पुरुषलाई प्रहरीले पक्राउ गरेको हो ।

गत जेठ १० गते दिउँसो घरमा कोही नभएको मौका पारी उनले पन्ध्र वर्षकी बालिकालाई यौन हिँसा गरेको आरोप लागेको छ । यौनाङ्गमा छुने, समाउने कार्य गरेको र पछिका दिनमा पनि एकान्त ठाँउ पाउँदा सोही हर्कत दोहोर्याएको किटानी जाहेरी परेपछि महानगरीय प्रहरी वृत्त जगातीले पीडक भनिएका अभिभावकलाई पक्राउ गरेको डिएसपी राजेश थापाले जनाएका छन ।

बालिकाले संरक्षकको रोहवरमा किटानी जाहेरी दरखास्त दिएको हुँदा सोही आधारमा  आरोपि एकाघरका अभिभावकलाई बिहीवार साँझमा नियन्त्रणमा लिइएको र जिल्ला अदालतबाट ५ दिनको म्याद थप भई आवश्यक अनुसन्धान कार्य भईरहेको वृत्त प्रमुख रहेका डिएसपी थापाले बताए ।