भक्तपुरको छ लेन सडकमा भयानक सडक दुर्घटना भएको छ । ठिमीबाट सल्लाघारी तर्फ आउदै गरेको कार छेउको बारमा ठक्कर खाइ सोही दिशातर्फ फर्केर दुर्घटना ग्रस्त भएको हो ।

बा३च ६०१० नम्बरको निजी कार आज सोमबार मध्याह्न करिब पौने १२ बजेको समयमा एसएस चोक नजिक दुर्घटना भएको एक प्रत्यक्षदर्शीले जनाएका छन् । उक्त कार अनियंत्रित भइ जता बाट आएको उतै तर्फ फर्किएको अवस्था रहेको ट्राफिक सहायक निरीक्षक श्याममणी गुराँगाइले बताए । उनका अनुसार दुर्घटनामा कुनै मानवीय क्षति भएको छैन भने ५५ वर्षका चालक इलाम घर भइ बैद्ध बस्ने कुलबहादुर राई र अर्का एक यात्रु सामान्य घाइते भएका छन । हेर्दा भयानक देखिएपनि दुर्घटना बाट सामान्य मात्र क्षति भएको उनको भनाइ छ ।

चालक राइले भक्तपुर पोस्ट संग प्रतिक्रिया दिदै आफूलाई आखामा झपक्क छोपे जस्तो हुँदा कार बारमा ठोक्किएको र दुर्घटना भएको जानकारी गराए । यस अघि पनि आफू यसैगरी दुर्घटनामा परेको उनको भनाइ छ ।  कार  तिब्र गतिमा नरहेको र आफूले मादक पदार्थ सेवन पनि नगरेको उनले जिकिर गरेका छन् ।

तस्वीर : बाबुराम दाहाल/ भक्तपुरपोस्ट