News Portal

  • भक्तपुर अस्पतालमा अब अल्जाइमर्स रोगको उपचार सेवा शुरु

    बाबुराम दाहालभक्तपुर, ३१ असार
    २०५७ पटक
    Alzheimer's disease treatment service started at Bhaktapur Hospitalभक्तपुर, ३१ असार

    अल्जाइमर्स रोगका बिरामीलाई खुशीको खबर छ । भक्तपुर अस्पतालमा अब अल्जाइमर्स रोगको उपचार सेवा शुरु भएको छ ।

    बिहीबारबाट भक्तपुर अस्पतालमा अल्जाइमर्सका बिरामीलाई लक्षित गरी ओपिडी सेवा शुरु भएको हो । अस्पताल व्यवस्थापन तथा बिकास समितिका अध्यक्ष मिलन सुवालले एक कार्यक्रमका बीच उक्त सेवाको उद्घाटन गरेका हुन् ।

    अध्यक्ष सुवालले भक्तपुर अस्पतालले थप सेवाको रुपमा अल्जाइमर्स ओपिडी सेवा शुरु गरेको बताए । अस्पतालमा उक्त सेवा निसुल्क प्रदान गरिने उनको भनाइ छ । अल्जाइमर्स रोग भन्ने थाहाँ नहुदा पिडित भएकाहरु यसबाट लाभान्वित हुने उनले विश्वास व्यक्त गरे । आफ्नो कार्यकालमा भक्तपुर अस्पताललाई सेवा सुविधा सम्पन्न बनाउने अभियान अन्तर्गत अल्जाइमर्स ओपिडी शुरु भएको उनले बताए । उक्त सेवा सुचारु गर्न बागमती प्रदेश सरकार र शैलजा आचार्य आदर्श समाजको सहयोग रहेको बताइएको छ । अध्यक्ष सुवालले यस वर्ष  अस्पतालमा नाक,कान,घाटी र अर्थोडेन्टिस्ट्री सेवा समेत शुरु गरिएको जानकारी गराएका छन् ।

    अस्पतालकी मेडिकल सुपरिटेन्डेण्ट डा सुमित्रा गौतमका अनुसार अल्जाइमर्स रोगको ओपिडी सेवालाई विशेष महत्वका साथ शुरु गरिएको छ । यो एक प्रकारको दीर्घ रोग भएको उनले बताएकी छन् । यसमा बिरामीको स्मरण शक्ति घट्दै जाने र स-साना कुरा पनि बिर्सिने समस्या हुन्छ । हड्बडि, छट्पटि लगायतका समस्या हुने र बिरामीको व्यवहारमा असाधारण किसिमका परिवर्तन देखापर्ने समेत हुनसक्ने उनले बताइन्। डा गौतमका अनुसार ६५ वर्ष माथिका मानिसहरुमा अल्जाइमर्सको समस्या बढी देखिने गर्दछ ।

    डा गौतमले मनोभावना र व्यवहारमा पहिलेको भन्दा फरक संकेत देखिएमा तुरुन्तै अस्पतालमा आउँन र सेवा लिन अनुरोध समेत गरेकी छन् ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...