भक्तपुरको ताथलीमा वडा स्तरीय तरकारी संकलन केन्द्र निर्माण भएको छ । तरकारी खेतीको केन्द्रको रुपमा परिचित ताथलीमा तरकारी संकलन केन्द्र नहुँदा विचौलीयाले मनपरि रुपमा तरकारी उठाएर किसानलाई पाउँन पर्ने उचित मुल्य नपाएपछि संकलन केन्द्र निर्माण भएको हो ।

जनताको गुनासो धेरै आएपछि वडा कार्यालय मार्फत नै तरकारी संकलन केन्द्र निर्माण गरिएको वडा कार्यालयले जनाएको छ । उत्तम साखकर्मीको अध्यक्षतामा तरकारी संकलन केन्द्र निर्माण सम्पन्न भएको हो । हप्तादिनमा काम सम्पन्न गर्नु पर्ने सम्झौता बमोजिम काम सम्पन्न भएको बताइएको छ ।

करिब ११ लाख ७ हजार ७ सय ८७ रुपैयामा निर्माण भएको उक्त संकलन केन्द्रमा स्थानीय जनसहभागीता मार्फत १ लाख ७ हजार ८७ रुपैया व्यहोरिएको छ भने आयोजना मार्फत रु १० लाख रुपैया खर्च भएको हो ।

उक्त आयोजना मार्फत ताथलीमा ५ सय व्यक्ति प्रत्यक्ष लाभान्वित भएका छन् ।