News Portal

  • एमाले भक्तपुरद्वारा स्थानीय तहमा पार्टीको नेता चयन, असन्तुष्टद्वारा राजिनामा

    भक्तपुरपोस्ट संवाददाता भक्तपुर, १७ साउन २०७८
    ३५०० पटक
    भक्तपुर, १७ साउन २०७८

    नेकपा (एमाले) भक्तपुर जिल्ला कमिटीले स्थानीय तहमा पार्टीको अध्यक्ष र सचिवको टुंगो लगाएको छ । भक्तपुरका चारवटै नगरपालिका र सबै वडाहरुमा अध्यक्ष र सचिवको टुंगो लगाइएको हो ।

    जिल्ला कमिटीको पूर्ण बैठकले नेतृत्व चयन गरेको अध्यक्ष बचन देउजाले बताए । बैठकमा वरिष्ठ नेता माधवकुमार नेपाल पक्षका जिल्ला सदस्यहरु भने सहभागी भएका थिएनन् ।

    चाँगुनारायण नगरपालिकामा रमेश बुढाथोकी र सूर्यविनायक नगरपालिकाको अध्यक्षमा रवीन्द्र सापकोटा चयन भएका बताइएको छ भने सचिवमा क्रमस सुवास ढुंगाना र शिवराम राउत चयन भएका छन् । त्यस्तै, भक्तपुर नगरपालिकाको अध्यक्षमा विष्णुप्रसाद सुवाल र मध्यपुर थिमीमा सूर्यलाल श्रेष्ठ चयन भएका छन् भने सचिवमा क्रमस विश्वराज शिल्पकार र सुमन जोशी रहेका छन् ।

    जिल्ला कमिटीका अध्यक्ष बचन देउजाको अध्यक्षतामा संचालित बैठक सूर्यविनायकका मेयर समेत रहेका नेता बासुदेव थापाले सञ्चालन गरेका थिए । उक्त अवसरमा पार्टीका केन्द्रीय सदस्य एवं बागमती प्रदेश अध्यक्ष आनन्द पोखरेल,केन्द्रीय सदस्य एवं भक्तपुर इन्चार्ज सोमप्रसाद मिश्र, केन्द्रीय सदस्य एवं युवा संघका इन्चार्ज महेश बस्नेत, पूर्व जिल्ला कमिटी अध्यक्ष तथा बागमती प्रदेश कमिटी सदस्य राजेन्द्र राजथला, बागमती प्रदेश कमिटी सदस्य निर्मलकुमार भट्टराई र मध्यपुर थिमीका मेयर समेत रहेका नेता मदनसुन्दर श्रेष्ठले पछिल्लो राजनीतिक अवस्था र पार्टी संगठनबारे प्रकाश पारेका थिए ।

    बैठकमा केहि जिल्ला सदस्यहरुले नेतृत्व चयनमा मापदण्ड नभएको र खल्तीबाट नेताहरु झिकेर जिम्मेवारी दिनु गलत भएको भन्दै बिरोध समेत गरेका एक सहभागीले जानकारी गराए । श्रोतका अनुसार केही जिल्ला सदस्यले नेतृत्वप्रति असन्तुष्टी जनाउदै राजिनामा समेत दिएका भएपनि बैठकले त्यसलाई स्वीकृत गरेन ।

    प्रतिकृया दिनुहोस्

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...

    साथीको घरमा युवकको शव फेला

    भक्तपुरको चाँगुनारायण– ४ मा एक युवक मृत फेला परेका छन् । १९ वर्षीय निरोज लामा...

    चाँगुनारायणमा ५० जनालाई झोल साबुन बनाउने तालिम

    प्रमुख प्रतिपक्षी दल नेकपा (माओवादी केन्द्र) को महिला संगठन अनेमसंघ (क्रान्तिकारी)ले चाँगुनारायणमा सिपयुक्त स्वरोजगार गृहिणी...

    भारतमा नेपाली विद्यार्थीमाथि दमन भएको भन्दै भक्तपुरमा बिरोध प्रदर्शन

    भारतको ओडिसा राज्यको राजधानी भुवनेश्वरस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा अध्ययनरत एक नेपाली...

    कुकुरलाई हेर्ने दृष्टिकोण बदलौँ !

    “कुकुर” समाजमा हुने अरु प्राणीसरह नै हो । अझ भन्ने हो भने कुकुरको काम अरू...