News Portal

  • भक्तपुरका पत्रकारहरुले लगाए चिनियाँ खोप भेरोसेलको दुबै मात्रा

    मदन ढुंगाना / भक्तपुर पोस्ट भक्तपुर, २१ साउन
    ८०४ पटक
    भक्तपुर, २१ साउन

    भक्तपुरमा पत्रकारहरुले चिनियाँ खोप भेरोसेलको दुबैमात्रा प्राप्त गरेका छन् । बिहीवार उनीहरुलाई कोभिड बिरुद्धको चिनियाँ खोप भेरोसेलको दोश्रो मात्रा दिइएको हो ।

    नेपाल पत्रकार महासंघ भक्तपुरको पहलमा भक्तपुरका पत्रकारहरुले खोप प्राप्त गरेका हुन् । महासंघमा आवद्ध प्राय सबै पत्रकारलाई कोभिड बिरुद्धको चिनियाँ खोप भेरोसेल लगाउने कार्यक्रम सफलतापूर्वक सम्पन्न गरिएको सचिव संजीप घिमिरेले जनाएका छन् । जिल्ला स्वास्थ्य कार्यालय, कटुन्जेको सहयोग र कटुन्जे स्वास्थ्य चौकीको समन्वयमा बिहीवार पत्रकारलाई खोप लगाउने कार्यक्रम सम्पन्न गरिएको उनले जानकारी गराए । बिबिध परिस्थितिका कारण खोप लगाउन छुटेका पत्रकारलाई सूचित गर्न समेत उनले अनुरोध गरेका छन् । सचिव घिमिरेका अनुसार महासंघको भक्तपुर शाखामा १९७ सदस्य रहेका छन् ।

    यस अघि भक्तपुरका पत्रकारलाई असार १० गते भेरोसेलको पहिलो मात्रा दिइएको थियो । असार १० गते भक्तपुर नगरपालिकाको च्यामासिंहस्थित जनस्वास्थ्य केन्द्रमा पहिलो मात्रा दिइएको थियो भने सूर्यविनायक नगरपालिकाको कटुन्जे स्वास्थ्य केन्द्रमा बिहीवार दोश्रो मात्रा दिइएको हो ।

    भक्तपुरका १ दर्जन पत्रकार कोभिड संक्रमित भई अस्पताल नै पुग्नुपरेपछि महासंघले पत्रकारहरुको जीवन रक्षाको लागि खोपको पहल गरेको अध्यक्ष जगतकृष्ण प्रजापतिले जनाएका छन् । भक्तपुरका सदस्य समेत रहेका महासंघका निवर्तमान केन्द्रीय उपाध्यक्ष एवं टेलिभिजनका पत्रकार दिलिप थापामगरले खोप प्राप्त गरेपछि जिल्लाको यो प्रशंसनीय कार्य भएको प्रतिक्रिया दिएका छन् । त्यसैगरी भक्तपुर शाखाकी निवर्तमान महिला उपाध्यक्ष एवं गोरखापत्रकी फोटो पत्रकार कविता थापाले सधै फिल्डमा खट्नुपर्ने पत्रकारलाई खोपले आत्मबल बढाएको बताइन । उक्त अवसरमा नेपाल पत्रकार महासंघ, भक्तपुरका उपाध्यक्ष सुन्दर सिल्पकार, सहसचिव हेमराज ढकाल त्यसैगरी सस्थापक अध्यक्ष रमेश खड्का, पूर्व अध्यक्षद्वय विकल श्रेष्ठ र अमर भुजू त्यसैगरी अग्रज पत्रकार जीवन ढुंगाना,रत्न श्रेष्ठ, कृष्ण प्रजापति, जितेन्द्र रसिक, आरसी प्रजापति लगायतको समेत सहभागिता रहेको थियो । महामारीको समयमा आफ्ना सदस्यहरुको जीवन रक्षाका लागि खोप दिलाउन सफल भएको भन्दै पत्रकारहरुले वर्तमान कार्यसमितिप्रति सन्तोष ब्यक्त गरेका छन् ।

    नेपाल पत्रकार महासंघ भक्तपुरले आफ्ना सदस्यहरुलाई खोप लगाउन सहयोग गरेकोप्रति बागमति प्रदेश सरकार, जिल्ला स्वास्थ्य कार्यालयका प्रमुख कृष्ण मिजार, खोप अधिकृत प्रेम श्रेष्ठ लगायत कार्यालय परिवार त्यसैगरी कटुन्जे स्वास्थ्य चौकीका अध्यक्ष एवं वडाध्यक्ष राजकुमार जोशी, वरिस्ठ स्वास्थ्यकर्मी कृष्णप्रसाद अधिकारी, सम्झना नेउपाने लगायत स्वास्थ्य चौकी परिवार र जनस्वास्थ्य केन्द्र च्यामासिंहका डा लासिबा लगायतमा हार्दिक आभार समेत प्रकट गरेको छ ।

    प्रतिकृया दिनुहोस्

    भक्तपुरले उत्कृष्ट विद्यार्थी, शिक्षक र विद्यालय घोषणा गरी प्रोत्साहन गर्ने

    भक्तपुर नगरपालिकाले उत्कृष्ट विद्यार्थी, शिक्षक र विद्यालय घोषणा गरी प्रोत्साहनको नीति लिएको छ । शिक्षामा...

    हनुमन्ते अस्तव्यस्त,करोडौं फ्रिज गरी सरोकारवाला मस्त भन्दै नेता एवं अभियन्ता रंजित आक्रोशित

    hanumante naresh

    कुनैपनि समाजको सभ्यता त्यसको नदी र खोलानालासंग सम्बन्धित हुन्छ । भक्तपुरको हनुमती(हनुमन्ते) खोलाले पनि यहाँको...

    चाँगुनारायणका पूर्व मेयर मिश्रलाई मातृशोक

    चाँगुनारायण नगरपालिकाका संस्थापक मेयर एवं नेकपा(एमाले) का केन्द्रीय सदस्य सोमप्रसाद मिश्रलाई मातृशोक परेको छ ।...

    सूर्यविनायक नगरपालिकाको आफ्नै सडक संजाल र नगर यातायात हुनुपर्नेमा कांग्रेसको जोड

    नेपाली कांग्रेस सूर्यविनायक नगर समितिले स्थानीय सरकारलाई गम्भीर ध्यानाकर्षण गराएको छ । मंगलवार सो समितिले...

    भक्तपुरे गायक कपिलको स्वरमा काठमाडौं

    भक्तपुर शहरबारे गीत गाइसकेका भक्तपुरे गायक कपिल कस्पालले राजधानी काठमाडौं शहरलाई पनि आफ्नो स्वरमा सजाएका...