News Portal

  • कोभिड तेस्रो लहरको चिन्ताले भक्तपुर प्रहरी चिन्तित,टोलटोलमा पुगेर जनचेतना जगाँउदै

    राजेशमान मानन्धर / भक्तपुर पोस्ट भक्तपुर, २९ साउन २०७८
    १८७१ पटक
    bhaktapur policeभक्तपुर, २९ साउन २०७८

    कोभिड संक्रमणको तेस्रो लहरको चिन्ताले भक्तपुर प्रहरी चिन्तित बनेको छ । महामारी बाट बच्न सर्वसाधारणले स्वास्थ्य सुरक्षाबारे सावधानी अपनाएको नदेखिएपछि प्रहरी चिन्तित बनेको हो ।

    महानगरीय प्रहरी वृत्त जगातीले जनतालाई कोभिड-१९ को सम्भावित तेस्रो लहरबाट बच्न र बचाउन जनचेतनामुलक अभियान नै संचालन गरिरहेको वृत्त प्रमुख राजेश थापाले बताएका छन् । कोभिड बिरुद्ध अग्र मोर्चामा रहेर काम गरेको अनुभव भएकोले पनि प्रहरीले पहिलो र दोश्रो लहरको अनुभवबाट तेस्रो लहर रोक्ने पूर्वतयारी गरेको उनी बताउछन । रोग लागेपछि उपचारमा जाने भन्दा रोग लाग्नै नदिने कोभिड महामारी रोक्ने प्रमुख अस्त्र भएको डिएसपी थापाले आफ्नो अनुभव सुनाए । तर, सर्वसाधारण बाटोमा कोभिडको वास्तै नगरी बेपर्वाह बनेको देख्दा उनको बेचैनी बढेको छ ।

    ”हामीले वृत्त मातहतका सबै प्रभाग र चौकीलाई कोभिड बिरुद्ध जनचेतनामुलक अभियानमा जोडेका छौं ।” वृत्त प्रमुख रहेका डिएसपी थापाले दावी गरे । उनका अनुसार प्रहरीले पम्प्लेट,प्लेकार्ड, ब्यानर, माइकिङ्ग लगायतको माध्यमबाट मास्क लगाएर हिड्न र सामाजिक दुरी कायम गर्न जनचेतनामुलक प्रचारप्रसार गरिरहेको छ । त्यतिमात्र होइन, ड्युटीमा खटिएका प्रहरीहरुले यसमा कडाइ समेत गरिरहेको उनको भनाइ रहेको छ । कोभिड बिरुद्धको लडाइमा प्रहरीलाई सबै नागरिकको साथ् चाहिने बताउदै डिएसपी थापाले प्रहरीले समुदायसंग मिलेर यसबारे ब्यापक प्रचार अभियान चलाइरहेको जनाएका छन् ।

    जगाती वृत्त मातहत रहेको महानगरीय प्रहरी प्रभाग कटुन्जेले प्रत्येक दिन बिहानको समयमा समुदायस्तरमा कोभिड सचेतना कार्यक्रम गरिरहेको देखिन्छ । कटुन्जे प्रभागका प्रमुख रमेश राइ आफै प्रत्येक दिन सचेतना कार्यक्रमको नेतृत्व गरेर हिडिरहेका देखिन्छन । तर, सर्वसाधारणले कोभिड सावधानी प्रहरीको लागि मात्र गर्नुपरेको जस्तो गरेको उनले गुनासो गरेका छन् ।यात्रा र किनमेलमा सामाजिक दुरी कायम गर्ने, साबुनपानी वा सेनिटाइजरको व्यवस्था गर्ने, मास्क अनिवार्य प्रयोग गर्ने भनेपनि मानिसहरुले प्रहरीले नदेख्दा वा, नभन्दा सम्म त्यो कार्य नगर्ने गरेको उनले गुनासो गरे । प्रहरीले कडाइ गर्दा दुख दिएको ठान्ने कारणले आफूहरुलाई निरास बनाउने गरेको उनले बताए । कोभिड बिरुद्ध प्रहरीको प्रयासमा आम सामुदायको साथ् र सहयोगको आवस्यकता औल्याउदै उनले कोभिड महामारीको सम्भावित तेस्रो लहर रोक्न प्रहरी समुदाय मिलेर मात्र सम्भव हुनेमा जोड दिए ।

    महानगरीय प्रहरी प्रभाग सुडालले पनि दिनहुँ समुदायसंग मिलेर कोभिड बिरुद्ध सचेतना अभियान संचालन गरिरहेको छ । प्रभाग प्रमुख रहेका किशोरध्वज कार्की कोभिड १९ विरुद्ध सामाजिक संजालमा समेत सक्रिय रहेका देखिन्छन । उनले खासगरी स्वास्थ्यकर्मी, युवा र विद्यार्थीलाई कोभिड बिरुद्धको प्रचार अभियानमा जोडिन प्रेरित गरेका छन् । प्रहरीले मात्र भनेर नमान्ने, नसुन्ने वा नपत्याउने मानिसहरु समुदायका सचेत वर्गले भनेको मान्ने हुनाले कोभिड विरुद्ध समुदाय नै लाग्नुपर्ने उनको अनुभव रहेको छ ।

    महानगरीय प्रहरी वृत्त जगातीले मास्क खै अभियान चलाइरहेको र बिना मास्क हिड्डुल गर्न निरुत्साहित गरेको वृत्तका प्रहरी निरीक्षक बिष्णु फुँयालले बताए । त्यसैगरी, स्थानीय जनसमुदायको घरदैलोमै पुगेर कोभिड १९ महामारी रोक्न जनाचेतना जगाइरहेको उनले जिकिर गरेका छन् । कोभिड बिरुद्धको लडाइमा प्रहरीको शक्ति जनता नै भएको भन्दै उनले सम्भावित तेस्रो लहर रोक्न सबै सचेत र एकजुट भएर लाग्नुपर्नेमा जोड दिए ।

    प्रतिकृया दिनुहोस्

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...

    दुर्लभ थापा मन्त्री बन्ने वा नबन्ने भन्नेबारे यस्तो छ महेश बस्नेतको भनाइ

    mahesh basnet bhaktapur 2

    पूर्व मन्त्री एवं नेकपा एमालेका पोलिटब्युरो सदस्य महेश बस्नेतले भक्तपुर-२ का प्रतिनिधि सभा सदस्य दुर्लभ...