News Portal

  • नेपाल बैंकको दुधपाटीमा सेवा बिस्तार, सरकारी बैंकलाई प्राथमिकता दिन मेयर प्रजापतिको सुझाव

    भक्तपुरपोस्ट संवाददाता भक्तपुर, २ भदौ २०७८
    १७२० पटक
    भक्तपुर, २ भदौ २०७८

    नेपालकै सबैभन्दा जेठो बैंक नेपाल बैंक लिमिटेडको कमलविनायक शाखाले भक्तपुरको दुधपाटीमा समेत सेवा बिस्तार गरेको छ । बैंकले मंगलवारबाट दुधपाटीमा काउन्टर स्थापना गरी सेवा बिस्तार गरेको हो ।

    उक्त काउन्टरको भक्तपुर नगरपालिकाका प्रमुख सुनिल प्रजापति र बैंककी बागमती प्रदेश प्रमुख निरुजा श्रेष्ठले संयुक्तरुपमा उद्घाटन गरेका हुन् । उक्त अवसरमा वडा नम्बर १ का वडाध्यक्ष श्यामकृष्ण खत्री, भक्तपुर बहुमुखी क्याम्पसका प्रमुख डा कृष्णप्रसाद पोखरेल,नेपाल पत्रकार महासंघ भक्तपुरका अध्यक्ष जगत प्रजापति, बैंकको कमलविनायक शाखा प्रमुख विष्णुमान भैल, सहायक प्रमुख दिपा पनेरु लगायत कर्मचारी र पत्रकारहरुको उपस्थिति रहेको थियो ।

    कार्यक्रममा नगरप्रमुख सुनिल प्रजापतिले भक्तपुर नगरपालिकाले सरकारी बैंकहरुको बिकासमा जोड दिएको खुलासा गरे । नगरपालिकाले आफ्नो आर्थिक कारोबारमा पहिलो प्राथमिकता सरकारी बैंकलाइ दिएको जानकारी दिंदै उनले सरकारी बैंकले सेवा दिन नसक्ने बताए मात्र निजी बैंकमा जाने गरिएको जनाएका छन् ।

    भक्तपुरबासी जनतालाई पनि सम्भव भएसम्म सरकारी बैंकबाट कारोबार गर्न सुझाव दिंदै प्रमुख प्रजापतिले विदेशी लगानीमा संचालित निजी क्षेत्रको स्वामित्वका बैंकहरु भन्द सरकारी स्वामित्वका बैंक भरपर्दो र बढी सुरक्षित हुने बताए । विदेशी लगानी भएका बैंकले नेपाली पुँजी विदेश लगिरहेको तर्फ सचेत हुनुपर्ने धारणा व्यक्त गर्दै उनले सरकारी बैंकलाई समयसापेक्ष जनताको माग अनुसार बिकास गरी कारोबारमा प्रोत्साहित गर्नुपर्ने आवश्यकता समेत औल्याए ।

    सरकारी बैंक बलियो भएमात्र जनताको आर्थिक अवस्था बलियो बन्ने बताउदै मेयर प्रजापतिले सरकारी बैंकको समयानुकुल बिकास र सेवा बिस्तारमा जोड दिएका थिए ।

    कार्यक्रममा भक्तपुर बहुमुखी क्याम्पसका प्रमुख डा. कृष्णप्रसाद पोखरेलले विश्वविद्यालयमा त्रिविको जस्तै बैकमा नेपाल बैंक लिमिटेडको महत्व र पहिचान रहेको बताए । दुधपाटीमा सेवा बिस्तारले भक्तपुर क्याम्पसका विद्यार्थी र स्थानीय जनता लाभान्वित हुने उनले विश्वास व्यक्त गरे ।

    त्यसैगरी बैंककी बागमति प्रदेश प्रमुख निरुजा श्रेष्ठले आफूहरु निजी बैकसंग प्रतिस्पर्धामा पछि नरहेको दावी गर्दै बैंकले सबै सेवाहरु छिटोछरितो र विश्वासिलो ढंगले प्रवाह गरिरहेको बताइन । दुधपाटी काउन्टरसँगै भक्तपुरमा ३ शाखा र ४ वटा काउन्टरमार्फत सेवा प्रदान गरिरहेको जानकारी गराउदै उनले नेपाल बैंक लिमिटेडप्रति जनप्रतिनिधि,व्यवसायी, प्राज्ञिक समुदाय र स्थानीय जनताको विस्वासप्रति आभार समेत प्रकट गरेकी थिइन् । त्यसैगरी कार्यक्रम संचालक कमलविनायक शाखाका प्रमुख विष्णुमान भैलले भक्तपुर नगरपालिकाको सहयोगबाट आफूहरु प्रोत्साहित भएको भन्दै थप सेवा बिस्तार गरी जनताको घरदैलोको बैंक बन्ने आफूहरुको योजना भएको बताएका थिए ।

    उक्त अवसरमा नेपाल बैंक लिमिटेडले देशका ७१ जिल्लामा २११ शाखा, १४७ एटिएम र ४५ वटा काउन्टरमार्फत सेवा प्रदान गरिरहेको बताइएको छ ।

    प्रतिकृया दिनुहोस्

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...

    पटके बाटो इजाजत पत्र अनलाइनबाटै उपलब्ध गराइने कार्यको भक्तपुरबाट शुभारम्भ

    अब यातायात कार्यालयले पटके बाटो इजाजत पत्र अनलाइन बाटै उपलब्ध गराउने भएको छ । उक्त...