भक्तपुरपोस्ट संवाददाताभक्तपुर, २५ भदौ २०७८
भक्तपुर, २५ भदौ २०७८पत्रकारहरुको एक संस्था मिडिया नेपालको केन्द्रीय उपाध्यक्षमा भक्तपुरका वरिष्ठ पत्रकार विकल श्रेष्ठ मनोनित भएका छन् । गोपाल प्रसाद पौड्यालको अध्यक्षतामा गठित केन्द्रीय कार्यसमितिमा पत्रकार श्रेष्ठ उपाध्यक्ष मनोनित भएका हुन् ।
नेपाल पत्रकार महासंघ भक्तपुरका पूर्व अध्यक्ष समेत रहेका श्रेष्ठ लामो समयदेखि पत्रकारिताको क्षेत्रमा क्रियाशील छन् । हाल उनी प्रक्षेपण दैनिक र नेपाल न्युज साप्ताहिकका प्रकाशक एवं सम्पादक हुन् ।
मिडिया नेपालले आफ्नो बिधानको परिच्छेद ५ को दफा १९ बमोजिम उनलाई मनोनयन गरेको बताइएको छ । पत्रकार श्रेष्ठ सहित सूर्य बास्तोला कास्की,हेम्बाबू लेखक कंचनपुर,श्रीधर सुवेदी बाँके,अंगद देवकोटा जुम्लालाई पनि उपाध्यक्षमा मनोनयन गरिएको छ ।
मिडिया नेपालको महासचिवमा मुकुन्द ढुंगाना नुवाकोट र कोषाध्यक्षमा राजेन्द्र बस्नेत सोलुखुम्बु रहेका छन् ।