News Portal

  • खुशुको नेतृत्वमा अखिल(क्रान्तिकारी)को भक्तपुर नगर कमिटी निर्वाचित

    भक्तपुरपोस्ट संवाददाता भक्तपुर, ३१ भदौ
    ११४७ पटक
    भक्तपुर, ३१ भदौ

    नेकपा (माओवादी केन्द्र)को विद्यार्थी संगठन अनेरास्ववियू(क्रान्तिकारी) ले भक्तपुर नगर कमिटी बिस्तार गरेको छ । रुकेश खुशुको नेतृत्वमा मंगलवार १९ सदस्यीय भक्तपुर नगर कमिटी बिस्तार गरिएको हो ।

    मंगलवार भक्तपुर क्याम्पसमा सम्पन्न प्रथम नगर सम्मेलनबाट रुकेश खुशु अध्यक्ष, इन्शान प्रजापति उपाध्यक्ष, श्वेता देशेमरु सचिव,बिनिता भुजू सहसचिव र कारण शिल्पकार कोषाध्यक्ष निर्वाचित भएका अनेरास्ववियू(क्रान्तिकारी) का भक्तपुर नगर इन्चार्ज मास बहादुर लामाले बताए ।

    सम्मेलनलाई सम्बोधन गर्दै नेकपा (माओवादी केन्द्र)का भक्तपुर जिल्ला सह इन्चार्ज देवेन्द्र श्रेष्ठ दिवाकरले तत्कालिन जनयुद्धमा विद्यार्थी वर्गले पनि उच्च बलिदानी गरेकाले वर्तमान अवस्थामा विद्यार्थीहरुले त्यो गैरवपूर्ण इतिहास भुल्न नहुनेमा जोड दिए । आफ्नो विद्यालय, क्याम्पस,गाउँ, नगर र जिल्लाका शहिद एवं बेपत्ताले देखेका सपना पूरा गर्ने र उनीहरुको संम्मान गर्ने दायित्ववोध विद्यार्थीमा हुनुपर्ने उनले बताए ।

    विद्यार्थी वर्ग पार्टीको उर्जा भएको बताउदै सह इन्चार्ज श्रेष्ठले त्यो उर्जालाई सकारात्मकता तर्फ लगाउन मार्गनिर्देश समेत गरे । राजनीतिक पद र आर्थिक अवसरका लागि नभई मानव कल्याण र समाजवाद तर्फको लक्ष लिन समेत उनले विद्यार्थीहरुलाई प्रेरित गरेका थिए ।

    कार्यक्रममा पार्टीका भक्तपुर नगर अध्यक्ष साजन प्रजापति त्यसैगरी स्थानीय नेताहरु राकेश सुवाल, रोशन बासुकला लगायतले सम्बोधन गरेका थिए ।

    नवनिर्वाचित पादधिकारीलाई अनेरास्ववियू(क्रान्तिकारी) की केन्द्रीय सदस्य एवं भक्तपुर जिल्ला सह इन्चार्ज पार्वती शर्माले पद तथा गोपनियताको शपथ ग्रहण गराएकी थिइन् । उक्त अवसरमा गणेश बुढाथोकी, भावत कार्की,प्रदिप तज, दान बहादुर रावत, रेशमलाल श्रेष्ठ लगायत भक्तपुरका विद्यार्थी नेताहरुको उपस्थिति रहेको थियो ।

    प्रतिकृया दिनुहोस्

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...

    दुर्लभ थापा मन्त्री बन्ने वा नबन्ने भन्नेबारे यस्तो छ महेश बस्नेतको भनाइ

    mahesh basnet bhaktapur 2

    पूर्व मन्त्री एवं नेकपा एमालेका पोलिटब्युरो सदस्य महेश बस्नेतले भक्तपुर-२ का प्रतिनिधि सभा सदस्य दुर्लभ...