भक्तपुर, ४ असोज २०७८भक्तपुरमा क्रियाशील गैरसरकारी संस्था मानवीय आस्था नेपालको छैठौं साधारण सभा सम्पन्न भएको छ । आइतबार सम्पन्न साधारण सभाले श्रीकुमार रन्जितको अध्यक्षतामा १९ सदस्यीय नयाँ कार्य समिति समेत चयन गरेको छ।
नयाँ कार्यसमितिमा अध्यक्ष श्रीकुमार रन्जित,वरिष्ठ उपाध्यक्ष -शिवराम अवाल एवं उपाध्यक्षहरुमा रामप्रसाद मानन्धर,उमेश बस्नेत र प्रकाश सैजु रहेका छन् । अन्य पदाधिकारीमा महासचिव उत्तरा नेपाल,सचिव दिनेश थापा, कोषाध्यक्ष-हरिबोल प्रजापति र सह कोषाध्यक्षमा लक्ष्मी कार्की चयन भएका छन् । त्यसैगरी सदस्यहरुमा मनकराम थापा,श्यामसुन्दर प्रजापति,मन्जित प्रजापति,कृष्णराम सवा,कृष्ण गोपाल वाइजु,अम्विका भण्डारी बस्नेत,रमिला स्वंगमिखा,विन्द प्रजापति,शर्मिला बस्नेत लम्साल र सविना केसीले जिम्मेवारी पाएका बताइएको छ । मानवीय आस्था नेपाल नेकपा (एमाले)का नेता एवं सांसद महेश बस्नेतको संरक्षकत्वमा संचालित गैरसरकारी संस्था हो । भुकम्पपछिको राहत वितरणमा यसै संस्था मार्फत गरिएको सहयोगले नेता बस्नेत लाई सांंसद बन्न बल मिलेको विश्लेषण गरिदै आएको छ ।