News Portal

  • सिडिओ शर्मालाई भक्तपुर नगरपालिकाको स्वागत, सक्रियता बढाउन सुझाव

    भक्तपुरपोस्ट संवाददाता भक्तपुर, १० असोज
    ६८१ पटक
    भक्तपुर, १० असोज

    भक्तपुरमा भर्खरै सरुवा भई आएकी प्रमुख जिल्ला अधिकारी रुद्रादेवी शर्मालाई भक्तपुर नगरपालिकाले स्वागत गरेको छ । आइतवार एक औपचारिक कार्यक्रमका बीच नगरपालिकामा उनलाई स्वागत गरिएको हो ।

    नगरपालिअक द्वारा आयोजित परिचयात्मक कार्यक्रमका क्रममा भक्तपुर नगरपालिकाका प्रमुख सुनिल प्रजापतिले प्रजिअ शर्मालाई पुष्पगुच्छा र खादा ओढाई स्वागत गरेका हुन् । कार्यक्रमा उप प्रमुख रजनी जोशी, वडाध्यक्ष रवीन्द्र ज्याख्व, प्रमुख कार्यकारी अधिकृत रामलाल श्रेष्ठ लगायतको समेत उपस्थिति रहेको थियो ।

    उक्त अवसरमा नगर प्रमुख प्रजापतिले २०७२ सालको भूकम्पले पारेको क्षती र पुनर्निर्माणको अवस्थाबारे प्रष्ट पारेका थिए । भक्तपुर नगरपालिकाले आत्मनिर्भरतालाई जोड दिँदै सम्पदा पुनःनिर्माणमा विदेशीको सहयोगलाई भन्दा जनताको साथ, सहयोग र अपनत्वलाई प्राथमिकतामा राखी सम्पदाहरुलाई शानका साथ ठड्याएको उनले जानकारी गराए ।

    ख्वप विश्वविद्यालय सञ्चालन गर्ने नगरपालिकाको उदेश्य रहेको बताउदै उनले भक्तपुर नगरपालिकाद्वारा संचालित शैक्षिक संस्थाहरु उदाहरणीय रहेका बारे अवगत गराए ।

    नजिकिँदै गरेको बडादशैं र तिहारलगायतका चाडपर्वलाई लक्षित गरी चोरी, तस्करी, हिंसालगायतका अपराध न्युनीकरणको लागि जिल्ला प्रशासन कार्यालयले सक्रियता बढाउनुपर्ने नगर प्रमुख प्रजापतिले सुझाव समेत दिए । उनले जिप्रकालाई आवस्यक सहयोग, समन्वय र सहजिकरणका लागि नगरपालिका सधै तत्पर रहेको समेत भनेका थिए ।

    कार्यक्रममा प्रमुख जिल्ला अधिकारी शर्माले शान्ति सुरक्षाको हिसाबले यस अघि आफ्नो कार्यकालमा गुल्मीलाई देशकै तेस्रो वरियतामा पार्न सफल भएको स्मरण गर्दै भक्तपुर लाई पनि सोही अनुभवका आधारमा उत्कृष्ट जिल्ला बनाउने लक्ष बारे बताइन । भक्तपुर अरु नपाभन्दा पृृथक शैलीबाट अगाडि बढिरहेको सन्दर्भमा नगरपालिकालाई आवश्यक सहयोग उपलब्ध गराउन जिप्रका सधै तयार रहेको उनले बताइन ।

    विपद् व्यवस्थापन समितिको बैठक बसी सम्पदा पुनःनिर्माणका बाँकी कार्यहरुलाई तीव्रताका साथ अगाडि बढाउनुपर्नेमा उनको जोड रहेको छ ।

    प्रतिकृया दिनुहोस्

    भक्तपुर आएर पूर्व अर्थमन्त्री पुनले भने, ‘नेताहरु शिशाको घरमा छन्’

    पूर्व अर्थमन्त्री एवं नेकपा(माओवादी केन्द्र)का उपमहासचिव वर्षमान पुन अनन्तले राजनीतिक दलका नेताहरु शिशाको घरमा रहेका...

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...