News Portal

  • भक्तपुरका २० सास्कृतिक गुरुहरु सम्मानित

    भक्तपुरपोस्ट संवाददाता भक्तपुर, ११ असोज २०७८
    १३५० पटक
    भक्तपुर, ११ असोज २०७८

    भक्तपुर नगरपालिकाले नगरका २० सास्कृतिक गुरुहरुलाई सम्मान गरेको छ । विश्व पर्यटन दिवसको अवसर पारेर सोमबार उनीहरुलाई सम्मान गरिएको हो । कला र संस्कृति संरक्षणका विभिन्न विधाका योगदान गरेवापत उनीहरु सम्मानित भएका हुन् ।

    सम्मानित हुनेहरुमा वडा नं. १ का गोविन्द भुजु र विकुबहादुर दुवाल, वडा नं. २ का विष्णुभक्त सुवाल र लक्ष्मीभक्त कुस्मा, वडा नम्बर ३ का लक्ष्मीप्रसाद मानन्धर र गणेशबहादुर त्वायना, ४ का मंगलाल ग्वाछा र लक्ष्मीभक्त घेमोसु तथा ५ का रामलाल माक र रत्नभक्त ध्वजु रहेका छन् । त्यसैगरी वडा नम्बर ६ का विष्णु सुवाल र विष्णुभक्त सिजख्व, ७ का दिलबहादुर त्यात र इन्द्रबहादुर लाखा, ८ का बुद्धिसागर प्रजापति र रामभक्त गणेजु श्रेष्ठ, ९ का विष्णुभक्त कुसी र मानबहादुर चोलेखो एवं वडा नम्बर १० का हरिभक्त मगजु र शिवभक्त बनमाला सम्मानित भएका नगरपालिकाले जनाएको छ ।

    नेपाल मजदुर किसान पार्टीका अध्यक्ष नारायणमान बिजुक्छेँ (रोहित) को प्रमुख आतिथ्यमा सम्पन्न कार्यक्रममा सांस्कृतिक गुरुहरुलाई रु. १५ हजार नगदसहित अध्यक्ष बिजुक्छेंले प्रशंसा पत्र प्रदान गरेका थिए। साथै,नगर प्रमुख प्रजापतिले दोसल्ला ओढाएका थिए भने उपप्रमुख जोशीले फूलमाला लगाइ सम्मान व्यक्त गरेकी थिइन् ।

    कार्यक्रमलाई सम्बोधन गर्दै अध्यक्ष बिजुक्छेँले सांस्कृतिक गुरुहरुको ज्ञान, विवेक र सीप नयाँ पुस्तामा पुस्तान्तरण गर्नुपर्नेमा जोड दिंदै भक्तपुरको कला, संस्कृति र भाषा स्थानीय व्यक्तिहरुलाई सिकाउँदै लानुपर्ने सुझाव दिए ।

    उक्त अवसरमा भक्तपुर नगरपालिकाका प्रमुख सुनिल प्रजापतिले सास्कृतिक गुरुहरुको सम्मन गर्ने कार्यलाई निरन्तरता दिन पाएको प्रति सन्तोष व्यक्त गर्दै उनीहरुको योगदानको प्रशंसा गरे । भूकम्पबाट क्षतिग्रस्त सांस्कृतिक एवम् ऐतिहासिक सम्पदा पुनःनिर्माणका कार्य अन्तिम चरणमा पुगिसकेको उल्लेख गर्दै उनले भक्तपुर नगरपालिकाले दाताको दबाबको सहयोग नलिई जनताको साथ र सहयोग लिएर स्वाभिमानपूर्वक संरचना पुनर्निर्माण गरेको दावी गरे ।

    कार्यक्रममा नेमकिपाका केन्द्रीय सदस्य एवम् बागमती प्रदेश सभा सदस्य सुरेन्द्रराज गोसाई,भक्तपुर नगरपालिकाका उपप्रमुख रजनी जोशी,संस्कृतिविद् प्रा. डा. पुरुषोत्तमलोचन श्रेष्ठ, वडा नं. ९ का वडाध्यक्ष रविन्द्र ज्याख्व लगायतले भक्तपुरले सांस्कृतिक गरिमा कायम गर्न सकेको प्रति गर्व गरेका थिए । उक्त अवसरमा स्थानीय पथप्रदर्शकहरुलाई प्रमाण पत्र समेत प्रदान गरिएको थियो ।

    प्रतिकृया दिनुहोस्

    हनुमन्ते खोलामा सेनाका हवल्दारको शव फेला

    भक्तपुर । भक्तपुर-१, सल्लाघारी स्थित हनुमन्ते खोलामा शव फेला परेको छ । दिउँसो करिब साढे...

    भक्तपुर आए आधा दर्जन सहसचिव

    भक्तपुर । नेपाल प्रशासनिक प्रशिक्षण प्रतिष्ठानका प्रशिक्षार्थी रहेका निजामती सेवाका सहसचिवहरुले भक्तपुर नगरपालिकाको अध्ययन भ्रमण...

    बनेपाको अग्नी सहकारी पीडितलाई उजुरी गर्न एक हप्ताको समय

    काभ्रेपलाञ्चोक । काभ्रेपलाञ्चोकको बनेपा नगरपालिका–८ सिनागालमा अवस्थित ‘अग्नी बचत तथा ऋण सहकारी संस्था लिमिटेड’सँग सम्बन्धित...

    इप्सन भक्तपुरको वादविवादमा यी भए अगाडि

    भक्तपुर । शिक्षा अब केवल परीक्षाको अङ्कमा मात्र सीमित रहेन, तर्क, विचार र अभिव्यक्तिको पनि...

    ललितपुरमा राधा–लक्ष्मण क्रियाशील पत्रकारिता पुरस्कार स्थापना

    ललितपुर, २२ साउन २०८२ । नेपाल पत्रकार महासंघ, जिल्ला शाखा ललितपुरले पत्रकारितामा सक्रिय योगदान पुर्‍याउने...