भक्तपुरपोस्ट संवाददाता भक्तपुर, १५ असोज २०७८
भक्तपुर, १५ असोज २०७८माधवकुमार नेपाल नेतृत्वको नेपाल कम्युनिष्ट पार्टी (एकीकृत समाजवादी) भक्तपुरले जिल्ला पार्टी कार्यालय स्थापना गरेको छ । सूर्यविनायकको पाण्डुबजारस्थित कार्यालय शनिवार औपचारिक उद्घाटन गरी संचालनमा ल्याउन लागिएको हो ।
बाराही सिनेमा हलको बिपरिततर्फ सेन्चुरी बैंकसंगै कार्यालय स्थापना गरिएको छ । पार्टीका महासचिव डा बेदुराम भुसालले शनिवार बिहान ११ बजे जिल्ला पार्टी कार्यालय उद्घाटन गर्ने कार्यक्रम तय गरिएको जिल्ला अध्यक्ष श्यामसुन्दर बस्नेतले बताए । पार्टी कार्यालय स्थापना पछि कार्यकर्ता प्रशिक्षण कार्यक्रम समेत रहेको उनको भनाइ छ ।
सोही कार्यक्रमको अवसर पारेर नेपाल कम्युनिष्ट पार्टी (एकीकृत समाजवादी) भक्तपुरले ठुलो संख्यामा पार्टी प्रवेश गराउने आन्तरीक तयारी समेत गरिरहेको बुझिएको छ ।