News Portal

  • काँग्रेसको महाधिवेशन हेर्न भक्तपुर आउनु : सभापति थापा

    भक्तपुरपोस्ट संवाददाता भक्तपुर, १६ असोज २०७८
    २८०० पटक
    भक्तपुर, १६ असोज २०७८

    नेपाली काँग्रेस भक्तपुरका सभापति दुर्लभ थापाले आफ्नो लागि सबै कार्यकर्ता र उम्मेदवार बराबर भएका भनेका छन् । १४ औं महाधिवेशन अन्तर्गत जिल्लामा सम्पन्न वडा र नगर अधिवेशन निष्पक्ष र प्रभावकारीरुपले सम्पन्न भएको भन्दै उनले आफूले कोहीकसैको पक्षमा भोट नमागेको दावी समेत गरे ।

    शनिवार सूर्यविनायक नगर कार्यसमितिका नव निर्वाचित पदाधिकारीको पदस्थापन तथा प्रमाणपत्र वितरण कार्यक्रमलाई सम्बोधन गर्दै सभापति थापाले काँग्रेसको महाधिवेशन हेर्न भक्तपुर आउनुपर्ने संदेश दिन सफल भएकोप्रति सन्तोष व्यक्त गरे ।”हामीले पूर्णत: बिधान बमोजिम काम गरेका छौं । कसैलाई काखा र पाखा गरेका छैनौं । महाधिवेशन कस्तो हुनुपर्छ भन्ने हेर्न भक्तपुर आउन हामी आग्रह गर्दछौं ।” उनले भने ।

    महाधिवेशनमा पार्टीका कार्यकर्ताबीच आन्तरिक प्रतिस्पर्धा हुने र लोकतन्त्रको सौन्दर्य यहीं नै भएको उनको भनाइ छ । पार्टीभित्रको चुनावले आन्तरिक लोकतन्त्र बलियो बन्ने उनले तर्क गरे  । यसले कार्यकर्तालाई पार्टीप्रति बफादार बनाउने र संगठन अझ मजबुत बन्ने उनले बताए । सभापति थापाले भक्तपुरमा कोही उम्मेदवार पनि पराजित नभएका दावी समेत गरे । ”बिजयी बन्न नसकेका उम्मेद्वारहरु पराजित नभई उपविजेता भएका हुन् ।” उनले भने ।

    महाधिवेशनको उर्जाले आगामी निर्वाचनमा तीनै तहमा जितेर देखाउने समेत उनले दावी गरे । ” आन्तरिक प्रतिस्पर्धामा कोही पराजित नहुने र यो पार्टीलाई चलायमान बनाउने प्रक्रियामा सहभागीता मात्र भएको भन्दै उनले आगामी चुनावमा बिपक्षी पार्टीहरुलाई पराजित बनाउन महाधिवेशनले बल मिल्ने बताए । कार्यकर्तालाई डोकोमा बोकेर नेता बन्न खोज्ने धृस्ठता नगर्न आग्रह गर्दै सभापति थापाले कार्यकर्तालाई नेता चुन्ने स्वविवेकीय अधिकार रहेको र त्यसको भरपुर प्रयोग गरी नेतृत्व चयनको अवसर पार्टीले दिएको प्रष्ट पारे ।

    उक्त अवसरमा सूर्यविनायक नगरपालिकाका नव निर्वाचित सभापति निशान ढुंगेलले आफूले सबैलाई मिलाएर अघि बढ्ने प्रतिवद्धता प्रकट गरे । जिल्ला सचिव समेत रहेका नगर सभापति ढुंगेलले चुनावी परिणामपछि उत्तेजना र निराशाका कुरा नगर्न समेत कार्यकर्ताहरुलाई निर्देशन दिए ।

    त्यसैगरी ढुंगेलका प्रतिस्पर्धी रहेका युवा नेता रवी राणा समेत कार्यक्रममा सहभागी भएका थिए । उनले नगर अधिवेशनमा निर्वाचन स्वाभाविक प्रक्रिया भएको बताए । आफू एकतावद्ध भएर अघि बढ्ने उनको भनाइ छ । कुनै पूर्वाग्रह नराखी पार्टीको जिम्मेवारी पूरा गर्ने उनले प्रष्ट पारे ।

    सूर्यविनायक नगर सभापतिमा निशान ढुंगेलले १४४ मत प्राप्त गरेपछि ११२ मत मात्र प्राप्त गरेका राणा नगर सभापति बन्न सकेनन । उनी आफ्नो प्यानलसहित पराजित बन्न पुगे । ढुंगेलको नेतृत्वमा उपसभापतिमा रमण कायष्ठ र रमेश अधिकारी, सचिवमा सुमन न्यौपाने र विश्वराम थापा, सहसचिवमा अमिर ढुंगाना र सुरेश केसी विजयी भएका छन् । पदाधिकारी सहित सबै सदस्यहरुलाई समेत शनिवार निर्वाचन समितिले पदस्थापन तथा प्रमाण पत्र वितरण गरेको हो ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...