News Portal

  • ताथलीमा चोरी,लुटपाट र ठगी नियन्त्रण सम्बन्धी सचेतना कार्यक्रम सम्पन्न

    मदन ढुंगाना / भक्तपुर पोस्ट भक्तपुर, १७ असोज २०७८
    १०३७ पटक
    भक्तपुर, १७ असोज २०७८

    महानगरीय प्रहरी प्रभाग सुडालले चाँगुनारायण ९ ताथलीमा चोरी,लुटपाट र ठगी नियन्त्रण सम्बन्धी सचेतना कार्यक्रम सम्पन्न गरेको छ । ताथली एकता समाज संगको सहकार्यमा प्रभागले आइतवार सचेतना कार्यक्रम सम्पन्न गरेको हो ।

    समुदाय प्रहरी साझेदारी अन्तर्गत कार्यक्रम गरिएको प्रभाग प्रमुख रहेका प्रहरी नायब निरीक्षक किशोरध्वज कार्कीले जनाएका छन् । प्रहरीले शान्तिपूर्ण एवं सुरक्षित समाजका लागि समुदाय प्रहरी साझेदारी अवधारणा अन्तर्गत समुदाय संग मिलेर अपराध न्यूनीकरण र नियन्त्रणको प्रयास गरिरहेको उनले बताए ।

    उक्त अवसरमा महानगरीय प्रहरी वृत्त जगातीका प्रहरी निरीक्षक सूर्य शाहीले नजिकिदै गरेको दशैतिहार लगायतको चाडबाडको मौका पारी चोरी ठगी र लुटपाट हुनसक्ने भन्दै त्यसतर्फ समुदाय सचेत बन्नुपर्ने बताएका थिए । उनले प्रत्येक असल नागरिक बिना बर्दीका प्रहरी भएका भन्दै समाजमा शान्ति सुव्यवस्था बनाइराख्न नागरिकको महत्वपूर्ण भूमिका माथि प्रकाश पारेका थिए । प्रहरी निरीक्षक शाहीले समुदायको सुरक्षाको लागि प्रहरी हरप्रहर जागा रहनेमा जोड दिदै समुदायको सहयोग बिना प्रहरी एक्लैले केहि गर्न नसक्ने प्रष्ट पारे ।

    कार्यक्रममा चाँगुनारायण उद्योग बाणिज्य संघका सदस्य एवं युवा समाजसेवी दिल कुमार बालाले नागरिक अधिकारको उपयोग र कर्तव्यको पालना एकै सिक्काका दुई पाटा भएको भन्दै सबैले कर्तव्यको पालना गरे समाज शान्त र सुन्दर बन्ने बताए ।

    उक्त अवसरमा वडा सदस्य विद्यापति थापा, समाजसेवी श्रीकण्ठ  खड्का, ज्ञानेन्द्र थापा, कुल बहादुर नेम्हाफुकी लगायतका सहभागीले प्रहरी बर्दी सहितको नागरिक र नागरिक बिना बर्दीका प्रहरी भन्ने सोच बिकास गर्न सके मात्र समुदाय प्रहरी साझेदारी सार्थक हुनेमा जोड दिए ।

    उक्त अवसरमा चोरी, ठगी र लुटपाटका घटनाबाट आफू बच्न र समुदायलाई बचाउन कसरी सकिन्छ भन्ने विषयमा अन्तरक्रिया समेत गरिएको थियो । कार्यक्रममा २९ जना स्थानीयले सक्रियतापूर्वक सहभागिता जनाएका थिए ।

    प्रतिकृया दिनुहोस्

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...

    पटके बाटो इजाजत पत्र अनलाइनबाटै उपलब्ध गराइने कार्यको भक्तपुरबाट शुभारम्भ

    अब यातायात कार्यालयले पटके बाटो इजाजत पत्र अनलाइन बाटै उपलब्ध गराउने भएको छ । उक्त...