News Portal

  • भक्तपुरका गैरसरकारी संस्थाले समेत ‘सूचना अधिकारी’ तोक्नुपर्ने

    भक्तपुरपोस्ट संवाददाता भक्तपुर,२२ असोज २०७८
    १२३१ पटक
    CDO rudra sharmaभक्तपुर,२२ असोज २०७८

    भक्तपुरकी प्रमुख जिल्ला अधिकारी रुद्रादेवी शर्माले जिल्लास्थित गैरसरकारी कार्यालयहरुको सूचना सस्प्रेषणमा कडाइ गरेकी छन् । भक्तपुरका सरकारी कार्यालयमा मात्र अभ्यासमा रहेको एकद्वार सूचना प्रणालीलाई व्यवस्थित गर्ने र गैरसरकारी संस्थामा समेत बिस्तार गरिने भएको हो ।

    प्रत्येक सरकारी कार्यालयले मात्र नभई अब उप्रान्त गैरसरकारी सस्थाले समेत सूचना अधिकारी तोकेर सूचना सस्प्रेषणलाई सही,सहज र प्रभावकारी बनाउन उनले पहल गरेकी हुन् ।

    प्रजिअ शर्माको अध्यक्षतामा शुक्रवार बसेको जिल्लास्थित सरकारी, सार्वजनिक सेवा प्रदायक निकायका सूचना अधिकारी र सञ्चारकर्मीहरुको संयुक्त बैठकले गैरसरकारी सस्थामा समेत सूचना अधिकारी तोक्ने निर्णय गरेको नेपाल पत्रकार महासंघ भक्तपुरका अध्यक्ष जगतकृष्ण प्रजापतिले जानकारी दिए ।” अब गैरसरकारी संस्थाहरुले पनि सूचना अधिकारी तोक्नुपर्ने निर्णय गरिएको छ ।” उनले भने ।

    बैठकमा प्रमुख जिल्ला अधिकारी रुद्रादेवी शर्माले संस्था दर्ता ऐन २०३४ बमोजिम दर्ता भएका गैरसरकारी संस्थाहरुले सूचनाको हक सम्बन्धी ऐन २०६४ अनुसार ‘सूचना अधिकारी’ तोक्नपर्ने बताएपछि यसलाई बैठकले अनुमोदन गरेको हो ।

    नागरिकले माग गरेका सूचना प्रचलित कानुन बमोजिम सूचना अधिकारीले समयमा उपलब्ध गराउनुपर्ने समेत निर्णय बैठकले गरेको छ । बैठकमा प्रजिअ शर्माले सम्पूर्ण कार्यालयहरुले सूचना अधिकारी तोक्नुपर्ने, सूचना अधिकारीको फोन नम्बर, ईमेल ठेगाना, फोटो सहितको फ्लेक्स सबै सेवाग्राहीले देखिने गरी राख्नुपर्ने व्यवस्था मिलाउन निर्देशन दिइन् ।

    त्यसैगरी सबै कार्यालयले प्रगति विवरण सूचनाको हक सम्बन्धी ऐन २०६४ को दफा ५ को उपदफा ३ र ४ तथा सूचनाको हक सम्बन्धी नियमावली २०६५ को नियम ३ बमोजिम प्रत्येक ३/३ महिनामा स्वतः प्रकाशन गर्नुपर्ने निर्णय बैठकले गरेको छ ।

    बैठकले सबै कार्यालयले सूचना प्रकाशनमा नेपाल पत्रकार महासंघ र हुलाक कार्यालयसँग सहकार्य गरी गर्ने र कार्यालयबाट भएका कार्यहरु नियमित रुपमा सञ्चारमाध्यमलाई जानकारी गराउने निर्णय समेत गरेको नेपाल पत्रकार महासंघ भक्तपुरका अध्यक्ष जगतकृष्ण प्रजापतिले जानकारी गराए ।

    प्रतिकृया दिनुहोस्

    देश वृद्धाश्रम बन्ने खतरा रहेको उपप्रधान एवं गृहमन्त्री श्रेष्ठको खुलासा

    काठमाडौँ । उपप्रधान तथा गृहमन्त्री नारायणकाजी श्रेष्ठले युवाहरू बिदेसीने र उतै पलायन हुने क्रम बढेकोले...

    भक्तपुरको समाजलाई बुद्धिजीवीकरण गर्न र अनुशासित बनाउन स्काउट महत्त्वपूर्ण

    भक्तपुर । भक्तपुुरका नवनियुक्त स्काउटहरुलाई पदाधिकारीहरुलाई बधाई तथा शुभकामना कार्यक्रम सम्पन्न भएको छ । नेपाल...

    अस्पतालमा रुद्री !

    भौतिकवादको थलो अस्पतालमा भगवान शिवको आरधना गर्दै रुद्री पूजा गरिएको छ । वागमती प्रदेश सरकारको...

    भान्सामा महंगीको मार पर्न नदिन पहल, सस्तियो मूल्य

    भान्सामा प्रयोग हुने मसाला जिराको भाउ भारीमात्रामा घटेको छ । पछिल्लो समय जिराको मूल्य घटेको...

    ३५ दिनदेखि सिटिइभिटिका कर्मचारीहरु आन्दोलित, पेल्ने पक्षमा नेतृत्व

    सानोठिमीस्थित प्राविधिक शिक्षा तथा व्यावसायिक तालिम परिषद (सिटिइभिटि) का कर्मचारीहरु आन्दोलित भएका ३५ दिन पुगेको...