भक्तपुर, २४ असोज २०७८भक्तपुर घर भएका उपसचिव निराजन घिमिरे सहसचिवमा बढुवा सिफारिस भएका छन् । सूर्यविनायक नगरपालिका वडा नम्बर १ का स्थायी बासिन्दा घिमिरे सहसचिवमा बढुवा सिफारिस भएका हुन् ।
लोक सेवा आयोगले आइतवार बढुवाको नतिजा सार्वजनिक गर्दा घिमिरे प्रशासन सेवा अन्तर्गत रा.प.प्रथम श्रेणी(अप्रा) सहसचिव पदमा पदोन्नती हुन सफल भएका छन् । उनलाई पदोन्नती गर्न आयोगले सिफारिस गरेको हो । उनी हाल महिला, बालबालिका तथा ज्येष्ठ नागरिक मन्त्रालयका उपसचिव एवं सूचना अधिकारी समेत हुन् ।
लिखित परीक्षा उतीर्ण गरेका सोह्र जना उम्मेदवार मध्ये घिमिरे छैठौं स्थानमा नाम निकाल्दै बढुवा सिफारिसमा परेका छन् । उनीसंगै १२ जना उपसचिव सह सचिव बढुवामा नतिजा निकाल्न सफल भएका छन् । सूर्यविनायक नगरपालिकाभित्रै अस्थायी बसोबास गर्दै आएका चन्दननाथ ८ जुम्लाका भुपेन्द्र थापा पनि बढुवा हुनेको सूचीमा परेका छन् । निजामति सेवामा सहसचिव उच्च पदमा पर्दछ ।
भक्तपुरको सूर्यविनायक नगरपालिकाकै वडा नम्बर १० स्थायी घर भएका अर्का उपसचिव श्यामकृष्ण थापा भने बढुवाको बैकल्पिक सूचीमा परेका छन् ।