राष्ट्रिय अनुसन्धान विभागको अनुसन्धान अधिकृत पदमा जागिर लगाईदिन्छु भनी ठगी गर्ने व्यक्ति पक्राउ परेका छन् । आफू नेपाल टेलीभिजनको पत्रकार र अनुसन्धान विभागको उच्च पदस्थ कर्मचारी भएको भन्दै उनले ठगी गरेको आरोप लागेको छ ।

पक्राउ पर्नेमा झापा जिल्लाको सुरुङ्गा कनकाई नगरपालिका वडा नं. ३ घर भई हाल चावहिल बस्ने वर्ष ३५ का निलम भट्टराई रहेका छन् । उनले तनहुँ शुक्लागण्डकी न.पा. वडा नं. ३ बस्ने वर्ष ३० की एक महिलालाई  आफू चलचित्र क्षेत्र तथा राष्ट्रिय अनुसन्धान विभागको उच्च अधिकारी र नेपाल टेलिभिजनको पत्रकार समेत भएको भन्दै करिब १५ लाख ठगी गरेको आरोप लागेको छ ।                                                                                                                                                 आफ्नो पहुँच गृह मन्त्रालयको उच्च अधिकारीहरूसँग रहेको र राष्ट्रिय अनुसन्धान विभागको अधिकृत पदमा जागिर लगाइदिन १५ लाख मागेका प्रहरीले जनाएको छ । पिडितलाइ प्रलोभनमा पारी विश्वास दिलाइ पटक पटक गरी १४ लाख ५०हजार लिएपछि उनी फरार भएका थिए । सुर्खेतको विरेन्द्रनगर न.पा. वडा नं. ६ सुर्खेत बसपार्क बाट उनलाई महानगरीय अपराध महाशाखाको टोलीले पक्राउ गरेको हो । पक्राउ परेका भट्टराई उपर थप आवश्यक अनुसन्धान तथा कारवाहीको लागि महानगरीय प्रहरी परिसर टेकु पठाएको अपराध महाशाखाले जनाएको छ