News Portal

  • बारको ‘वार’ : राजावादीको झुसिलो डकार

    भवानी बराल १३ कात्तिक २०७८
    ८३ पटक
    १३ कात्तिक २०७८

    समाचारीय मूल्य :

    सर्वोच्च अदालतको सुदृढीकरण आन्दोलनमा बारको भूमिकाको रुपरेखा बार कार्यालय भित्र तैयार हुँदै थियो । बाहिर पटाङ्गिनीमा दुई जना वकिल लडभिड् गर्दै थिए । घटना सामान्य हो तर, सूचना प्रविधिको विकासले यस्ता घटनालाई पनि ‘भाइरल’ बनाइदिन सक्छ । भएको त्यतिमात्र हो ।

    पत्रकारितामा यौन, हत्या, सबै प्रकारका हिंसा, आतंक, युद्ध अर्थात नकारात्मक समाचारको ‘समाचारीय मूल्य’ बढी हुन्छ । यसर्थ विकाउ माल उत्पादन गर्न सबै उद्धत हुन्छन् । यस्तो समाचारमा सबैको आँखा दौडने भएकाले पनि कथित ‘एक्सक्लुसिव स्टोरी’ बनाउन कोही पछि हट्दैन । थोरैलेमात्र यस्ता समाचारीय मूल्य दिँदैनन, दिएनै भएपनि यस्ता घटनालाई न्युनिकरण गर्ने उद्वेश्यले पस्केका हुन्छन् ।

    बझाउनु पत्रकारिता हैन :

    घटना दुई जना वकिलको बीचमा भएको सामान्य प्रकृतिको थियो । यो घटनालाई अतिरञ्जित बनाउनु पर्ने कुनै कारण थिएन/छैन । तर, ‘मूलधारको मिडिया’ले यसपछि पनि यो घटनालाई रञ्जित बनाउन कुनै कसर छाडेनन् । अझ दुबैजना पात्रलाई स्टुडियो बोलाएर ‘केरकार’ गर्ने जुन काम गरे तिनले नेपाली पत्रकारितालाई गलत दिशातर्फ मोड्ने काम गरेका हुन् । नेपाली पत्रकारितामा यतिखेर दुई पक्षलाई बोलाएर बझाउने कामलाई पत्रकारिता भन्ने बुझ्ने गरिएको छ ।

    कसरी हान्नु भयो फेरी हानेर देखाउनुस त ?’ भनेर पत्रकारले कुस्तिको अखडामा पहलमानको परीक्षा लिएजस्तो गर्नु पनि कतै पत्रकारिता हो ? ‘फलनाले तपाईलाई यसो भन्दैथिए तपाईँ के भन्नुहुन्छ ?’ यस्तो पनि प्रश्न हुन्छ ? जनताको नाम गरेर आफ्नो खल्तीबाट प्रश्न उठाउन मिल्छ ? तर, यस्तै पत्रकारितालाई नेता, पाठक, दर्शकश्रोताले पुठ दिँदा विग्रेको पत्रकारिता हो । यस्तै पो पत्रकारिता हो कि भन्ने गलत सन्देश दिएको हो । यसैले दूरदराजमा पत्रकार हुने हो भने फलाना ‘हर्फनमौला’ पत्रकार झैं हुनु भनेर दशैंमा टीका लाउँदा आशिर्वाद दिएको प्रसंग आउँछ । पत्रकार भनेको फलाना ‘हर्फनमौला’ पत्रकार जस्तो हो भन्ने गाउँले जिज्ञासा आउँछ । यहिँनेर आएर पत्रकारिता भ्रष्टिकरण भएको छ । गलत दिशातर्फ मोडिएको छ ।

    युट्युबेको अनुकरण :

    यतिखेर नेपाली पत्रकारिता ‘युटुबे पत्रकारिता’तर्फ मोडिन सुरु गरेको छ । कथित ‘भिउज’ बढाउने नाममा खेतीपाती गर्ने काम भएको छ । यो घटनामा पनि पत्रकारिताले त्यसै गर्यो । घटनाको गहिराइमा पुग्ने कोशीस गरेन । कस्ले पहिला हात लगायो कति मुक्का हान्यो आदिमै अडियो । घटनाको पृष्ठभूमिमा पुगेन । घटनाको परिस्थिति निर्माण गर्ने कारणको सारमा पुगेन । समाचार दिने अस्वस्थ्य प्रतिष्पर्धामा लागि रहे । यतिखेर युटुबे प्रस्तोता र आम पत्रकारिता छुट्टिन छोडेको छ । बारको बैठकमा गएर लाइफदिने नाममा अनाधिकृत प्रबेश गर्ने आफुलाई पत्रकारिताको ‘हर्फनमौला’ सम्झने प्रवृत्तिले नेपाली पत्रकारितालाई कहाँ पुर्याउँछ ? त्यस्तै हर्फनमौला प्रवृत्ति बढ्दै गए नेपाली पत्रकारहरु झगडा लगाउने बझौटेको भूमिकामा पुग्नेछन् ।

    झुसिलो डकार :

    यो झगडाको चुरो कुरो भने झगडिया वकिल भूमिनन्द चुडालले आफै दिए । उनले झगडा पछि गणतन्त्रको विपक्षमा, राजतन्त्रको पक्षमा दिएको सार्वजनिक बयान त्यो भने महत्वपूर्ण छ । उनी अहिलेको परिवर्तनको खारेजीमा लागेका पश्चगामी, प्रतिगामी प्रवृत्तिका पिपा हुन भन्ने ठहरमा पुगिन्छ । उनी जति नै ‘लुला–लंगडा’ भएपनि उनले बारको पटाङ्गिनीमा उभिएर दिएको बयान स्वाभिमानी नागरिकका लागि अपमान हो । यस्तो दुर्बचन पचाउन सकिने विषय त हुँदै होइन, नेपाली जनताले सत्तरी वर्ष लगाएर ल्याएको परिवर्तन र महान शहीदहरुको दिउँसै तिरस्कार गरिएको घटना हो । यसअर्थमा अर्का वकिल विराट न्यौपानेले गरेको ‘हर्कत’ अपराध सरह होइन । काँक्रा चोरलाई मुड्के सास्ती मात्र हो ।

    अदालतको बेथितीलाई थितीमा ल्याउने बारको प्रस्तावित आन्दोलनलाई मात्र चुडालले विरोध गरेका होइनन् । चोलेन्द्र शमसेरको भित्रांस पनि खोलेका छन् । चोलेन्द्रले राजीनामा दिन आनकानी गर्नु पछाडिको रहस्य बाहिर ल्याएका छन् । व्यवस्थापिका, कार्यपालिकामाथिको हमलामा पराजित प्रतिगामीहरु यतिखेर चोलेन्द्रमार्फत दूनो सोझ्याउन दोस्रो खिलराज खोजिरहेका छन् । चोलेन्द्रको बुइ चढेर राजतन्त्रको पुनस्थापनाको दीयो बाल्न सकिन्छ कि भन्ने मकसद तिनीहरुमा भएको यो घटनाले पुष्टी गर्छ ।

    चोलेन्द्र मात्रै यस्ता पात्र हुन् जसको पृष्ठभूमि र आगत–विगतले राजतन्त्रको बैतर्णी पार गर्न सकिने सम्भावना छ । तर, चुडाल जस्तो रुन्चे अभियन्ताले राजतन्त्रको पुनस्थापना चैं कसरी गर्ला ? यो प्रश्न चैं अनुत्तरित नै छ । फेरिपनि चुडाल प्रकरण राजतन्त्रवादीहरुको यस्तै झुसिलो डकार चैं पक्कै हो । (झिल्कोबाट)

    प्रतिकृया दिनुहोस्

    भक्तपुरमा माओवादी केन्द्रको नगर सम्मेलन सम्पन्न

    भक्तपुर नगरपालिकामा नेकपा (माओवादी केन्द्र)को दोश्रो सम्मेलन सम्पन्न भएको छ । शनिवार सल्लघारीमा सम्मेलन सम्पन्न...

    राखेपमा खेलकर्मीहरुको हरिबिजोग : सदस्य सचिवमा ब्यापारीकै पल्ला भारी

    फेरि व्यापारीलाई नै खेलकुदको नेतृत्व दिने तयारी काठमाडौं, मंसिर ११– देशमा सरकार परिवर्तनसँगै नेपाली खेलकुद...

    भक्तपुरका स्ववासीको भूमि सम्बन्धी समस्या समाधान गरिने

    भूमि व्यवस्था, सहकारी तथा गरिवी निवारण मन्त्री शशी श्रेष्ठले भक्तपुरमा रहेका स्ववासी र बेनिसाको समस्या...

    चाँगुनारायणमा नरेश खड्काको नेतृत्वमा माओवादी केन्द्रको नयाँ नगर समिति निर्वाचित

    सत्ता साझेदार दल नेपाल कम्युनिष्ट पार्टी (माओवादी केन्द्र) ले भक्तपुरको चाँगुनारायण नगरपालिकामा नयाँ नेतृत्व निर्वाचित...

    भक्तपुर सांगीतिक समाजको आयोजनामा २५ जनाले गरे रक्तदान

    भक्तपुर सांगीतिक समाजले आफ्नो पाँचौ स्थापना दिवसको अवसर पारेर रक्तदान कार्यक्रम सम्पन्न गरेको छ ।...