भक्तपुर, २७ कात्तिक २०७८भक्तपुर नगरपालिका १ दुधपाटी स्थित पर्यटकीय स्थलको रुपमा रहेको सिद्धपोखरीमा डुबेर एक युवकको ज्यान गएको छ । ज्यान गुमाउनेमा चाँगुनारायण ३ झौखेल बस्ने बर्ष २७ को राजेश सुलु रहेका छन् ।
युवक पोखरीमा डुबेको भन्ने जानकारी प्राप्त हुनासाथ महानगरीय प्रहरी परिसर भक्तपुरबाट प्रहरी निरीक्षक श्याममणी पोख्रेलको कमाण्डमा १० जनाको टोली खटिई गई तत्कालै उद्दार गरी संगै रहेको भक्तपुर अस्पताल पुर्याएको थियो । उपचारकै क्रममा साँझ ५:२५ बजे सुलुको मृत्यु भएको महानगरीय प्रहरी परिसर भक्तपुरले जनाएको छ ।
शनिवार साँझ करिब पौने ५ बजे पोखरीमा डुबेका युवकको उपचारको क्रममा ज्यान गएको प्रहरीले जिकिर गरेको छ । उनी कसरी पोखरीमा डुब्न पुगे भन्ने बारेमा यकिन थाहा नभएको प्रहरीको भनाइ छ । घटनाको सम्बन्धमा अनुसन्धान कार्य भईरहेको परिसरका निमित्त सुचना अधिकारी रहेका इन्स्पेक्टर लोक बहादुर जि.सीले जनाएका छन् ।