News Portal

  • भक्तपुर नगरपालिकाद्वारा उन्नत जातको गहुँ र आलुको बिउ वितरण

    भक्तपुरपोस्ट संवाददाता भक्तपुर, ३० कात्तिक
    ५४८ पटक
    सुनिल परजापतिभक्तपुर, ३० कात्तिक

    भक्तपुर नगरपालिका वडा नं. १ का किसानहरुलाई उन्नत जातको गहुँ र आलुको बिउ वितरण गरिएको छ । मंगलवार वडा कार्यालयद्वारा आयोजित एक कार्यक्रमकाबीच नगर प्रमुख सुनिल प्रजापतिले गहुँ र आलुको बिउ वितरण गरिएको हो ।

    किसानहरुको प्राथमिकताका आधारमा १ पाथी गहुँ वा पाँच किलो आलुको बिउ वितरण गरिएको वडाध्यक्ष श्यामकृष्ण खत्रीले जानकारी दिए । बिउ वितरण गरी स्थानीय सरकारले किसानहरुलाई राहत दिएको भन्दै सहभागीहरुले सन्तोष व्यक्त गरेका छन् । उक्त अवसरमा किसानहरुले समयमै मल उपलब्ध हुन नसक्दा अप्ठ्यारो पर्नेगरेको गुनासो समेत गरेका थिए ।

    बिउ हस्तान्तरण कार्यक्रममा बोल्दै नगर प्रमुख प्रजापतिले उत्पादकत्व बढाउन र किसानलाई प्रोत्साहन गर्न नगरपालिकाले उन्नत जातका बीऊ विजनको वितरण गर्दै आइरहेको बताए । गहुँ बालीका लागि रसायनिक मलको अभाव हुन नदिन नगरपालिकाले मलको सिफारिस दिन सुरु गरेको समेत उनको भनाइ छ । भक्तपुर नगरपालिकाले आधुनिक प्रविधिको प्रयोग गरी कुहिने बस्तुहरूबाट कम्पोष्ट मल बनाई सस्तोमा किसानहरूलाई विक्री वितरण गर्न तयारी गरिरहेको समेत उनले खुलासा गरे ।

    नेमकिपाले भक्तपुरमा चलाएको किसान आन्दोलनबाट बहुसंख्यक किसानहरुको हित भएको भन्दै पार्टीका केन्द्रीय सदस्य समेत रहेका मेयर प्रजापतिले किसानको समस्या समाधानमा अहिले पनि आफूहरुले कुनै कसर बाकी नराख्ने बताए । कामदार वर्गको हितमा काम गर्ने नेमकिपाको मुख्य उद्देश्य अनुरुप नगरपालिकाले कार्य गरिरहेको उनको जिकिर छ ।

    कार्यक्रममा भक्तपुर नपा वडा नं. १ का वडाध्यक्ष श्यामकृष्ण खत्रीले वडाबासी किसानहरुको उत्पादकत्व बढाउन नगरपालिकाले हरेक वर्ष उन्नत जातको बीऊ विजन वितरण गर्दै आइरहेको स्पष्ट पारेका थिए । सोहीबमोजिम वडा नम्बर १ मा बिउ वितरण गरिएको उनको भनाइ छ ।

    कार्यक्रममा नेमकिपा वडा नं. १ का पार्टी इन्चार्ज लक्ष्मीनारायण राजलवट र वडाका कृषि समितिका पुण्यराम बाइजुले लगायतले किसानलाई प्राथमिकता दिने पार्टी नेमकिपा भएको दावी गरे ।

    प्रतिकृया दिनुहोस्

    राष्ट्रका लागि दुई घण्टा अभियानमा पूर्व प्रधानमन्त्री ओलीको ऐक्यवद्धता

    भक्तपुरबाट शुरु गरिएको ‘राष्ट्रका लागि दुई घण्टा अभियान’ मा पूर्व प्रधानमन्त्री केपी शर्मा ओलीले ऐक्यवद्धता...

    ४ चिनियाँ नागरिक भक्तपुरमा पक्राउ

    भक्तपुरको सूर्यविनायक नगरपालिका वडा नं. १० भातेढिकुर स्थित अरनिको हाइवे बाट ४ चिनियाँ नागरिक पक्राउ...

     नेपालमा सुनको नयाँ किर्तिमान

    नेपाली बजारमा सुनको मूल्यले नयाँ किर्तिमान बनाएको छ । विहिबार सुन तोलामा १८ सयले बढेर...

    जेठ २६ गते नगदेशमा दिनभर वः फेस्टिबल, ४ लाखले अवलोकन गर्ने

    मध्यपुर थिमि नगरपालिकामा फेरिपनि वः फेस्टिबल हुने भएको छ । अघिल्लो वर्ष दुईपोखरीमा गरिएको व:...

    मातृभाषा जोगाउने अभियानमा पनि पत्रकारिता जोडिनुपर्नेमा जोड

    उपप्रधान एवं परराष्ट्र मन्त्री नारायणकाजी श्रेष्ठ प्रकाशले मातृभाषाको संरक्षणका लागि पत्रकारिता जगत अघि बढ्नुपर्ने बताएका...