नेपाली कांग्रेस भक्तपुरका सभापति दुर्लभ थापाले पुनः जिल्ला सभापतिमा उम्मेदवारी घोषणा गरेका छन् । शुक्रवार आफ्नो समूहद्वारा आयोजित उम्मेदवारी घोषणा कार्यक्रमका बीच उनले उम्मेदवारी घोषणा गरेका हुन् । भक्तपुरमा सभापति थापा सस्थापन पक्षका नेता हुन् । नगर अधिवेशनमा उनको विरोधी समूहमा देखिएका दुई कांग्रेस नेताहरू समेत उम्मेदवारी घोषणा सम्म आइपुग्दा सभापति थापाको कित्तामा देखिएका छन् । नगर अधिवेशनमा अष्टकुमार कबेको प्यानललाई सहयोग गरेका पुराना कांग्रेस नेता एवं मध्यपुर थिमिका पूर्व मेयर मदन कृष्ण श्रेष्ठ सभापति थापाको प्रस्तावक बनेका छन् । त्यतिमात्र होइन, सोही समूहबाट सूर्यविनायक नगर सभापतिका उम्मेदवार बनेका रबी राणासमेत सभापति थापाको पक्षमा आइपुगेका छन् । उनका दाइ एवं वरिष्ठ पत्रकार कबीर राणा थापाको प्रस्तावकमा घोषणा सभामा सहभागी भएसंगै युवा नेता राणासमेत मंचमा उपस्तिथ भएका थिए । बिपक्षी समूहका श्रेष्ठ र राणालाई प्रस्तावक राखेर सभापति थापाले आफ्नो उम्मेदवारी घोषणा गरे संगै उनी बलियो उम्मेद्वार बन्न सफल भएका बताइन्छ । उनको बिपक्षमा शनिवार नेता अष्टकुमार कबेले सभापतिमा उम्मेदवारी घोषणा गर्ने भएका छन् । तर, जिल्ला अधिवेशन सम्म आइपुग्दा प्रभावशाली नेताहरुले उनको साथ छोडेका छन् । बिपक्षी गठबन्धनका दुई प्रभावशाली नेताहरुलाई आफ्नो प्रस्तावक बनाउन सफल सभापति थापाको समर्थकमा भने क्षेत्र नम्बर १ का सभापति जीवन खत्री र प्रदेश मन्त्री समेत रहेका नेता कृष्ण लाल भडेल रहेका छन् । उम्मेदवारी घोषणा सभामा प्रमुख अतिथिका रुपमा पूर्व गृह राज्यमन्त्री समेत रहेका पार्टीका बागमती प्रदेश संंसदीय दलका नेता बानियाँको उपस्थिति रहेको थियो । उक्त अवसरमा प्रस्तावक एवम् समर्थकहरुले सभापति थापा सबैलाई समेटेर लैजानसक्ने एकमात्र नेता भएको भन्दै वर्तमान अधिवेशनमा उनको बिकल्पमा कुनै पनि नेता नभएको बताए । सभापति थापा बोलेको कुरा पूरा गर्नसक्ने नेता भएको भन्दै उनीहरुले थापा इमान्दार र स्पष्ट बक्ता रहेको र जालझेलको राजनीति नजानेका कर्तव्यनिष्ट नेता भएका जिकिर गरेका थिए । उम्मेदवारी घोषणा पछि सभापतिका उम्मेदवार थापाले लोकतन्त्रको रक्षा गर्नु र देश र जनताको हितमा काम गर्नु आफ्नो प्रमुख कर्तब्य भएको भनेका थिए ।कांग्रेसको नीति र बिधान अनुरुप पार्टी संचालन गर्नेकुरामा कुनै सम्झौता नगरेको र फेरिपनि नगर्ने भन्दै उनले प्रतिनिधिहरुले आफूलाई अत्याधिक मतले बिजय गराउने बिश्वास समेत ब्यक्त गरे ।
विपक्षी गठबन्धनका श्रेष्ठ र राणालाई प्रस्तावक बनाएर सभापतिमा थापाको उम्मेदवारी घोषणा
भक्तपुरपोस्ट संवाददाताभक्तपुर, ११ मंसिर २०७८
भक्तपुर, ११ मंसिर २०७८भक्तपुरमा डलर देखाई ३ लाख ५० हजार ठगी फरारहरु प्रहरी फन्दामा
भक्तपुरको मध्यपुर थिमि-१ लोकन्थलीमा बिदेशी डलर देखाई ३ लाख ५० हजार ठगी गरी भागेको आरोपमा...
बैशाख २४ मा सार्वजनिक बिदा र उत्सवबारे प्रदेश सरकारका प्रवक्ता श्रेष्ठको यस्तो खुलासा
बागमती प्रदेश सरकारका प्रवक्ता समेत रहेका आन्तरिक मामिला तथा कानुन मन्त्री गंगानारायण श्रेष्ठले प्रदेश सरकारले...
नेपाल एरा ऐकेडेमी बन्द गर्न सूर्यविनायकका १३ संस्थागत विद्यालय संचालकहरुको माग
सूर्यविनायक-८ दार्जिलिङ हाइटस्थित नेपाल एरा ऐकेडेमी गैरकानुनी रूपमा संचालन गरिएको सरोकारवालाले जानकारी गराएका छन् ।...
भक्तपुर अस्पतालमा एकैपटक ३ दर्जन घाइते आएपछि
भक्तपुर अस्पतालमा एम्बुलेन्सले धमाधम घाइते ओसार्दै थिए । डाक्टर, नर्स र स्वयंसेवक घाइतेको व्यवस्थापन र...
नमेटिने घाउ’ मा ओलीको अभिनय
काठमाडौं । प्रधानमन्त्री तथा नेकपा एमालेका अध्यक्ष केपी शर्मा ओलीले रमित ढुंगाना निर्देशित चलचित्र ‘नमेटिने...
- भक्तपुरमा दिनदहाडै बाघको आक्रमणबाट बालिका घाइते
- काभ्रेमा आगलागी हुँदा गयो २४ चौपायाको ज्यान
- भक्तपुर अस्पतालमा करार सेवाको जागिरका लागि ३ दर्जन बढी डाक्टरको आवेदन
- चाँगुनारायणमा मोटरसाइकल दुर्घटना हुँदा पछाडी सवार मानिसको गयो ज्यान
- भक्तपुर अस्पतालमा एकैपटक ३ दर्जन घाइते आएपछि
- भक्तपुरका सफल व्यवसायी एवं समाजसेवी कासिछ्वालाई मातृशोक
- लेखक खाइजूको भोगाइमा आधारित यमलोक यात्रा सार्वजनिक
- भक्तपुर नगरमा वाइसिएलको ३५ सदस्यीय नयाँ कार्यसमिति
- तान्त्रिक खड्काको निधनले भक्तपुरका माओवादी मर्माहत
- विद्युत प्राधिकरणले सडक बत्तीको लाइन काटेपछि भक्तपुरकी प्रजिअ परेशान