भक्तपुर नगरपालिकामा नेकपा (माओवादी केन्द्र)को दोश्रो सम्मेलन सम्पन्न भएको छ । शनिवार सल्लघारीमा सम्मेलन सम्पन्न भएको हो । सम्मेलनले ६५ सदस्यीय भक्तपुर नगर कार्यसमिति निर्विरोध निर्वाचित गरेको जिल्ला संयोजक डिपी ढकालले जानकारी दिए । पदाधिकारी भने कार्यसमितिको पहिलो बैठकले टुंगो लगाउने बताइएको छ । नमस्ते ब्याङ्क्वेट्मा सम्पन्न सम्मेलनको उद्घाटन सत्रलाई सम्बोधन गर्दै पार्टीका केन्द्रीय सदस्य एवं जिल्ला इन्चार्ज दिलिप प्रजापतिले देशमा परिवर्तनकारी शक्ति माओवादी केन्द्र मात्र भएको भन्दै परिवर्तनको रक्षाको लागि संगठन मजबुद बनाउनुको बिकल्प नभएको बताए । त्यसैगरी सहइन्चार्ज देवेन्द्र श्रेष्ठले भक्तपुरको संगठन निराश हुनुपर्ने किसिमको नभएको भन्दै पुनः पहिलेकै उभार ल्याउन पार्टीका सबै कार्यकर्ता उत्साहित भएर संगठन निर्माणमा लाग्नुपर्ने आवश्यकता औल्याएका थिए । कार्यक्रममा जिल्ला संयोजक डिपी ढकालले भक्तपुरमा नेमकिपाको सत्ता ढाल्ने सामर्थ्य माओवादी केन्द्र संग भएको जिकिर गरे । उनले तत्कालीन प्रधानमन्त्री केपी ओलीले प्रतिगामी कदम चाली संसद विघटन गर्दा तीन बित्ता उफ्रेर नेमकिपाले समर्थन गरेको भन्दै केन्द्रमा ओलीको सत्ता ढले जस्तै भक्तपुरमा नेमकिपाको सत्ता ढल्ने दावी गरे । नगर संयोजक साजन प्रजापतिले संचालन गरेको उक्त कार्यक्रमको अध्यक्षता युवा नेता कृष्णहरि सैजुले गरेका थिए । उक्त अवसरमा प्रदेश सांसद प्रतिमा श्रेष्ठ, नेताहरू सुरेश न्यौपाने, सत्यलाल मुल, सुनिल बासु लगायतको आतिथ्यता रहेको युवा नेता राकेश सुवालले जानकारी दिए ।
भक्तपुरमा माओवादी केन्द्रको नगर सम्मेलन सम्पन्न
भक्तपुरपोस्ट संवाददाताभक्तपुर, ११ मंसिर २०७८
भक्तपुर, ११ मंसिर २०७८सुडालमा शुक्रवार पनि ७ सय एभोकाड़ोको विरुवा वितरण
चाँगुनारायण सिटी एभोकाड़ो सिटी अभियान अन्तर्गत अभिन्ताहरुले चाँगुनारायण-८ सुडालमा विरुवा वितरण गरेका छन् । शुक्रवार...
अन्नु श्रेष्ठ मिस भक्तपुर डिभाको ताज पहिरीन सफल, पछिपछि प्रतिक्षा र माला
मिस भक्तपुर डिभाको ताज पहिरीन अन्नु श्रेष्ठ सफल भएकी छन् । शुक्रवार सम्पन्न प्रतिष्पर्धाको अन्तिम...
आइतबार उपत्यकाका सबै स्थानीय तहमा बिदा
आइतबार उपत्यकाभित्रका सबै स्थानीय तह र स्थानीय तह मातहतका निकायमा सार्वजनिक बिदा हुने भएको छ...
मिस भक्तपुर डिबाको फाइनल शुक्रवार
मिस भक्तपुर डिबाको फाइनल शुक्रवार हुने भएको छ । प्रतियोगिताको फाइनल चरणमा ११ प्रतियोगी रहेका...
देकोचामा बसको ठक्करबाट ज्यान गुमाएका मानिसको खुलेन पहिचान
भक्तपुरको देकोचामा मंगलबार यात्रुबाहक बसको ठक्करबाट ज्यान गुमाएका मानिसको पहिचान हुन सकेको छैन । बुधबार...
- हनुमन्ते खोलामा हाम फालेका युवकको उद्धार
- भक्तपुरमा बाढी बस्तीमा पस्ने जोखिम, सतर्कता अपनाउन आग्रह
- ‘चाँगुनारायण सिटी एभोकाड़ो सिटी’ अभियानको दोश्रो चरण शुक्रवारबाट शुरु हुँने
- बिमान दुर्घटनामा सूर्यविनायक नगर अस्पतालका निर्देशक बर्माको भाइको निधन
- आशापुरीमा झ्याङ्छुप छ्योर्तेन स्तुपा र बुद्धपार्कको उद्घाटन
- प्रदेशमा भक्तपुरका सांसद थापामगरको मन्त्री पद सुनिश्चित, श्रेष्ठको पनि सम्भावना कायमै
- दुर्लभ थापा मन्त्री बन्ने वा नबन्ने भन्नेबारे यस्तो छ महेश बस्नेतको भनाइ
- भक्तपुरका सामाजिक अभियन्ता सुवाल र काफ्लेलाई मानार्थ विद्यावारिधि
- नौ भाषामा दखल भएका रिजाललाई ५० हजार राशीको प्रतिभा पुरस्कार
- इवामुरा अस्पतालको लापरवाहीले गयो ज्यान, घटना गुपचुप