नेकपा (माओवादी केन्द्र)का बरिष्ठ नेता नारायणकाजी श्रेष्ठ प्रकाशले आफ्नो पार्टीको महाधिवेशन कर्मकाण्ड मात्र नभएको बताएका छन् । आइतबार काठमाडौको कमलादीमा आठौं राष्ट्रिय महाधिवेशनको उद्घाटन समारोहलाई सम्बोधन गर्दै श्रेष्ठले सोकुरा बताएका हुन् ।

उनले महाधिवेशन औपचारिकता पूरा गर्ने कुरा मात्र नभएको भन्दै यो क्रान्तिकारी पार्टी निर्माणको अवसर भएको उल्लेख गरे । नयाँ विचारको बिकास, समाजवादी कार्यनीतिको स्पष्ट मार्गचित्र, रुपान्तरित क्रान्तिकारी पार्टी निर्माणको लागि महत्वपूर्ण अंगको रुपमा महाधिवेशन रहेको उनले स्पष्ट पारेका छन् ।

उनले पार्टीको आवश्यकताले मात्र नभई नेपाली समाज र क्रान्तिको वर्तमान आवश्यकतालाई सम्बोधन गर्न अधिवेशन गरिएको समेत जिकिर गरे ।

उनले संविधान र लोकतन्त्रको रक्षाको लागि वाम लोकतान्त्रिक गठबन्धनको सहकार्य कम्तीमा आगामी निर्वाचनसम्म जारी राख्ने समेत जिकिर गरे ।त्यसैगरी उनले परिवर्तनकारी शक्तिहरुसंग सदैव सहकार्यको ढोका खुला रहने समेत उद्घोष गरे । पछिल्लो असफल एकताबाट पाठ सिक्दै सच्चा कम्युनिष्ट पार्टीहरुबीचको एकतालाई प्राथमिकता दिने सम्बन्धमा पनि बहस हुने उनले बताए ।