प्रधानमन्त्री समेत रहेका नेपाली काँग्रेसका सभापति शेरबहादुर देउवाले संविधान सभा माओवादीका कारण बनेको र संविधान सभा मार्फत संविधान जारी गर्न प्रचण्डले नेतृत्वदायी भूमिका निभाएको बताएका छन् ।

आइतबार  आइतबार काठमाडौको कमलादीमा आठौं राष्ट्रिय महाधिवेशनको उद्घाटन समारोहलाई सम्बोधन गर्दै देउवाले सो कुरा बताएका हुन् । काँग्रेसले २००७ सालदेखि उठाएको संविधान सभाको अजेण्डा माओवादीले पुरा गरिदिएको भन्दै उनले अध्यक्ष प्रचण्डको प्रशंसा समेत गरे ।

उक्त अवसरमा देउवाले वर्तमान बाम लोकतान्त्रिक गठबन्धन नटुट्ने समेत खुलासा गरे । मिल्नेहरू लाई मिल्न बाट कसैले रोक्न नसक्ने भन्दै उनले एमालेका अध्यक्ष ओलीलाई गठबन्धन व्यक्तिगत रुपमा उनको विरुद्ध बनेको नठान्न आग्रह गरे ।

एक फरक प्रसंगमा प्रधानमन्त्री देवाले एमसीसीको पक्षमा मन्तब्य दिए । एम्सेसी राष्ट्रघाती भन्ने लाई राम्ररी पढ्न उनले उपदेश दिए । ”पहिले पढ्नुपर्‍यो एमसीसी, कहाँ छ राष्ट्रघाती ?उनले भने ।

‘म पनि नेपालको प्रधानमन्त्री हुँ । म नेपाल राष्ट्रको खिलापमा जाउँला ? म पनि प्रजातन्त्रका लागि लडेको मान्छे हुँ म किन राष्ट्रघात गरौंला ?” उनले प्रतिप्रश्न गर्दै भने ”सित्तै आएको पैसा हो यो । सित्तै आएको पैसा चाहिन्न भन्न हुदैन ।”