फेसबुक आईडि ह्याक गरी बिभिन्न बहाना बनाइ अनलाइन ठगी गर्नेगरेको अभियोगमा एक युवक पक्राउ परेका छन् । पक्राउ पर्ने ब्यक्ति मोरङ मंगलबारे स्थायी घर भइ भक्तपुरको गठ्ठाघर बस्दै आएका १८ वर्षिय किरण पाठक रहेका छन् ।

महानगरीय अपराध महाशाखाले पाठकलाई नक्कली ब्यक्ति बनि बिभिन्न बाहाना बनाई रकम ठग्ने गरेको अभियोगमा पक्राउ गरिएको जनाएको छ । आफुलाई अर्जेन्ट समस्या परेको देखाई विश्वास दिलाइ ह्याक गरिएको आइडिमा भएका ब्यक्तिहरु संग  बिभिन्न खातामा पैसा पठाउन लगाइ अनलाइन ठगी गरेको आरोपमा पाठकलाई पक्राउ गरिएको महाशाखाले जनाएको हो ।

पक्राउ परेका पाठकलाई ठगी सम्बन्धी कसूरमा आवश्यक अनुसन्धान तथा कारवाहीको लागि महानगरीय प्रहरी परीसर टेकु पठाईएको महाशाखाले जनाएको छ।