News Portal

  • नगर सभामा समेत एमसीसी सम्झौता खारेजीको माग

    राजेशमान मानन्धर / भक्तपुर पोस्ट भक्तपुर, २७ माघ २०७८
    ५२४ पटक
    nagar sabha bhaktapurभक्तपुर, २७ माघ २०७८

    नेपाल र संयुक्त राज्य अमेरिकाबीचको मिलेनिअम च्यालेन्ज कर्पोरेशन (एमसीसी) कम्प्याक्ट बिरुद्ध जनस्तरबाट बिरोध भैरहँदा भक्तपुर नगरपालिकाको ११ औं नगर सभाले समेत एमसीसी सम्झौता खारेजीको माग गरेको छ । नगरसभाका अध्यक्ष एवं नगरपालिकाका मेयर सुनिल प्रजापतिको अध्यक्षतामा बिहीबार बसेको नगर सभाको बैठकमा सहभागी सबै नगरसभासद्हरुले एमसीसी खारेजीको माग गरेका हुन् ।

    सभाको विशेष समयमा बोल्दै सभासद् राजेन्द्र माकले राष्ट्रघाती एमसीसीको विरोध गर्नुपर्नाका कारणहरुबारे प्रष्ट पार्दै एमसीसी पारित भए नेपालको बौद्धिक सम्पत्तिमा अमेरिकाको एकलौटी अधिकार रहने खतरा औंल्याएका छन् ।

    सभासद् छोरीमैंया सुजखूले नेपालको सार्वभौमसत्ता रक्षाको लागि भारतीय एकाधिकार पुँजी र अमेरिकी साम्राज्यवादको थिचोमिचोविरुद्ध जनतालाई सचेत र संगठित पार्दै एमसीसी रोक्नुपर्ने बताइन ।

    त्यस्तै, सभासद् तुल्सीलक्ष्मी दुमरुले देशका शासक दल र तिनका नेताहरूको सत्ता स्वार्थका लागि विदेशी शक्तिसामू झुक्ने प्रवृत्तिले देशको सार्वभौमिकता र स्वतन्त्रतामाथि खतरा बढिरहेको आरोप लगाउदै त्यसका बिरुद्ध लाग्नुपर्नेमा जोड दिइन ।

    सभासद् पूर्णगोपाल राजचलले अमेरिकी अनुदानले कुनै पनि देशको आर्थिक अवस्था माथि नउठेको तथ्य प्रस्तुत गरे ।

    सोही क्रममा सभासद्हरु शिवप्रसाद बाला, जितेन्द्र मुनंकर्मी, सूर्यप्रसाद श्रेष्ठ, बलराम न्हिसुतु र गोविन्द दुवालले एमसीसी अमेरिकी साम्राज्यवादको हिन्द–प्रशान्त सैन्य रणनीतिको अंग भएको हुँदा तत्काल खारेज गर्नुपर्ने प्रष्ट पारे । नेपाल सरकारले श्रीलंकाबाट शिक्षा लिई छिटो एमसीसी सम्झौता खारेज गर्नुपर्ने उनीहरुको भनाइ छ ।

    उक्त सभामा सभाध्यक्ष रहेका मेयर प्रजापतिले नगर सभा वैचारिक छलफल र संघर्ष गर्ने थलो भएको भन्दै बैठकमा राष्ट्रघाती एमसीसीको विरोधमा आफ्ना विचारहरु व्यक्त गर्ने सभासद्हरुलाई आफ्नो सांस्कृतिक र बौद्धिक विकासको लागि अझ थप अध्ययन अनुसन्धान गर्न प्रेरित गरेका थिए । शासक दलका नेताहरूको दलाली प्रवृत्तिकै कारण नेपाललाई अवाञ्चित किसिमको दबाब आइरहेको उल्लेख गर्दै उनले सबै जनतालाई संगठित गरी सरकारलाई खबरदारी गर्नुको बिकल्प नभएको बताए ।

    भक्तपुर नगरपालिकाका सबै जनप्रतिनिधि नेपाल मजदुर किसान पार्टी(नेमकिपा)का तर्फबाट निर्वाचित नेताहरु हुन् । नेमकिपा सानो दलको रुपमा रहे पनि आफूहरुको विचारले विजय प्राप्त गर्ने उनीहरुले विश्वास व्यक्त गरेका छन् । नगर सभामा सहभागी सबै सभासदहरुले एमसीसी राष्ट्रघाती भएकोले खारेजीको माग गरेको भन्दै नगरप्रमुख प्रजापतिले सिंगो नगरसभा एमसीसीको विरुद्धमा भएको बताए ।

    नगरसभाको अर्को बैठक २०७८ फागुन ३ गते मंगलबार बस्ने गरी स्थगित भएको बताइएको छ ।

     

     

    प्रतिकृया दिनुहोस्

    देश वृद्धाश्रम बन्ने खतरा रहेको उपप्रधान एवं गृहमन्त्री श्रेष्ठको खुलासा

    काठमाडौँ । उपप्रधान तथा गृहमन्त्री नारायणकाजी श्रेष्ठले युवाहरू बिदेसीने र उतै पलायन हुने क्रम बढेकोले...

    भक्तपुरको समाजलाई बुद्धिजीवीकरण गर्न र अनुशासित बनाउन स्काउट महत्त्वपूर्ण

    भक्तपुर । भक्तपुुरका नवनियुक्त स्काउटहरुलाई पदाधिकारीहरुलाई बधाई तथा शुभकामना कार्यक्रम सम्पन्न भएको छ । नेपाल...

    अस्पतालमा रुद्री !

    भौतिकवादको थलो अस्पतालमा भगवान शिवको आरधना गर्दै रुद्री पूजा गरिएको छ । वागमती प्रदेश सरकारको...

    भान्सामा महंगीको मार पर्न नदिन पहल, सस्तियो मूल्य

    भान्सामा प्रयोग हुने मसाला जिराको भाउ भारीमात्रामा घटेको छ । पछिल्लो समय जिराको मूल्य घटेको...

    ३५ दिनदेखि सिटिइभिटिका कर्मचारीहरु आन्दोलित, पेल्ने पक्षमा नेतृत्व

    सानोठिमीस्थित प्राविधिक शिक्षा तथा व्यावसायिक तालिम परिषद (सिटिइभिटि) का कर्मचारीहरु आन्दोलित भएका ३५ दिन पुगेको...