भक्तपुरपोस्ट संवाददाता भक्तपुर, २८ माघ २०७८
भक्तपुर, २८ माघ २०७८२७ औं जनयुद्ध दिवसको अवसरमा भक्तपुर वाइसिएलले रक्तदान गर्ने भएको छ । नेकपा (माओवादी केन्द्र)को सहायक संगठन योङ्ग कम्युनिस्ट लिग, नेपाल (वाइसिएल, नेपाल) को भक्तपुर जिल्ला शाखाले आइतवार रक्तदान कार्यक्रमको तयारी गरेको हो ।
पार्टीद्वारा संचालित महान जनयुद्धको अवसरमा वर्तमान महामारीको कारण उत्पन्न रगतको अभावलाई मध्यनजर गरी रक्तदान कार्यक्रम आयोजना गर्न लागिएको वाइसियलको भक्तपुर जिल्ला संयोजक नरेश रन्जितले जानकारी गराए ।
आइतवार मध्यपुर थिमीको राधेयराधेयस्थित भाटभाटेनी कम्लेक्सको प्रांगणमा रक्तदान गरिने कार्यक्रम तय गरिएको उनले जनाएका छन् । संयोजक रन्जितले उक्त अवसरमा रक्तदान गर्न जिल्लाका वाइसिएल कार्यकर्ताहरुलाई खबर गरिसकिएको समेत बताए । रक्तदान नै जीवन दान भएको भन्दै उनले कार्यक्रममा युवाहरुको उल्लेख्य सहभागिता रहने विश्वास व्यक्त गरे ।