News Portal

  • भक्तपुरमा वाइसीएलले रक्तदान र विद्यार्थीले दीप प्रज्वलन गरी मनाए जनयुद्ध दिवस

    भक्तपुरपोस्ट संवाददाता भक्तपुर, १ फागुन २०७८
    ११८२ पटक
    भक्तपुर, १ फागुन २०७८

    भक्तपुरमा बिबिध कार्यक्रम गरी जनयुद्ध दिवस मनाइएको छ । देशको परिवर्तनकारी पार्टीको रुपमा रहेको माओवादीद्वारा संचालित १० वर्षे जनयुद्धको स्मरण गर्दै जनयुद्ध दिवस मनाइएको हो ।

    २७ औं जनयुद्ध दिवसको अवसर पारेर आइतवार नेकपा(माओवादी केन्द्र) भक्तपुरले बिबिध कार्यक्रम सम्पन्न गरेको जिल्ला संयोजक डिपी ढकालले जानकारी दिए । पार्टीको जनवर्गीय संगठनले आफ्नो अनुकूलतामा बिबिध रचनात्मक कार्य गर्दै जनयुद्ध दिवस मनाएको उनको भनाइ छ । पार्टीको केन्द्रीय कार्यालय र जिल्ला कार्यालयमा उपस्थित भई भक्तपुरका अगुवा माओवादीहरुले शहिदहरुलाई श्रद्धान्जली दिदै क्रान्तिका बाँकी कार्यभार पूरा गर्ने प्रतिवद्धता प्रकट गरेका थिए ।

    यसैबीच सहायक संगठन योङ्ग कम्युनिष्ट लिग भक्तपुरको आयोजनामा राधेराधेमा युवाहरुले रक्तदान कार्यक्रम गरेका वाइसिएल जिल्ला संयोजक नरेश रन्जितले जनाएका छन् । जनयुद्धको स्मरणमा आयोजित उक्त रक्तदान कार्यक्रममा करिब १ सय युवाहरु सहभागी भएका थिए । कोभिड १९ महामारीका कारण उत्पन्न रगतको अभावलाई मध्यनजर गरी आफूहरुले रक्तदान गरी जनयुद्ध दिवस मनाएको वाइसिएल इन्चार्ज दिनेश थपलिया आक्रोशको भनाइ छ ।

    त्यस्तै पार्टीको विद्यार्थी संगठन अखिल(क्रान्तिकारी) भक्तपुरले दिप प्रज्वलन मार्फत जनयुद्ध दिवस मनाएको छ । सानोठिमी क्याम्पसमा विद्यार्थीहरु भेला भई दीप प्रज्वलन गर्दै जनयुद्ध दिवस मनाएका हुन् ।

    आफूहरु जनयुद्ध लडेको पुस्ता नभएपनि जनयुद्धका कारण आएको राजनीनिक परिवर्तन गणतन्त्र, संघीयता, धर्म निरपेक्षता, समावेशी र समानुपातिक प्रणाली लगायत परिवर्तनका पक्षपोषक भएका कारण जनयुद्धका शहिद र बेपत्ताको सम्झनामा दीप प्रज्वलन गरी दिवस मनाएको उपाध्यक्ष रेशमलाल श्रेष्ठले बताएका छन् ।

    संघीय लोकतान्त्रिक गणतन्त्र नेपाल जनयुद्धकै जगमा स्थापित भएको भन्दै प्रेस सेन्टर नेपाल भक्तपुरले पनि जनयुद्धको क्रममा सहादत प्राप्त गरेका भक्तपुरका महान सहिद बैकुण्ठहरी श्रेष्ठको नाममा पत्रकारिता पुरस्कार स्थापना गर्ने निर्णय गरेको सचिव मदन ढुंगानाले जानकारी दिए । जनयुद्धलाई बद्नाम गर्ने तर जनयुद्धबाट प्राप्त परिवर्तनमा रजगज गर्नेहरुबाट सावधान हुनुपर्ने भन्दै प्रेस सेन्टर भक्तपुरका उपाध्यक्ष बाबुकाजी साछें श्रेष्ठले जनयुद्धलाई जीवन्त बनाइराख्न क्रान्तिकारी पत्रकारहरुले कलम चलाइराख्नुपर्ने आवश्यकता औल्याए ।

    जनयुद्ध दिवस मनाउने क्रममा वर्तमान अवस्थामा परिवर्तन बिरोधी शक्तिहरु सल्बलाइरहेकाले क्रान्तिकारीहरु एकजुट हुनुपर्ने र जनयुद्धको जगमा भएको परिवर्तनलाई जोगाइराख्नुपर्नेमा जोड दिइएको थियो ।

    प्रतिकृया दिनुहोस्

    भक्तपुरले उत्कृष्ट विद्यार्थी, शिक्षक र विद्यालय घोषणा गरी प्रोत्साहन गर्ने

    भक्तपुर नगरपालिकाले उत्कृष्ट विद्यार्थी, शिक्षक र विद्यालय घोषणा गरी प्रोत्साहनको नीति लिएको छ । शिक्षामा...

    हनुमन्ते अस्तव्यस्त,करोडौं फ्रिज गरी सरोकारवाला मस्त भन्दै नेता एवं अभियन्ता रंजित आक्रोशित

    hanumante naresh

    कुनैपनि समाजको सभ्यता त्यसको नदी र खोलानालासंग सम्बन्धित हुन्छ । भक्तपुरको हनुमती(हनुमन्ते) खोलाले पनि यहाँको...

    चाँगुनारायणका पूर्व मेयर मिश्रलाई मातृशोक

    चाँगुनारायण नगरपालिकाका संस्थापक मेयर एवं नेकपा(एमाले) का केन्द्रीय सदस्य सोमप्रसाद मिश्रलाई मातृशोक परेको छ ।...

    सूर्यविनायक नगरपालिकाको आफ्नै सडक संजाल र नगर यातायात हुनुपर्नेमा कांग्रेसको जोड

    नेपाली कांग्रेस सूर्यविनायक नगर समितिले स्थानीय सरकारलाई गम्भीर ध्यानाकर्षण गराएको छ । मंगलवार सो समितिले...

    भक्तपुरे गायक कपिलको स्वरमा काठमाडौं

    भक्तपुर शहरबारे गीत गाइसकेका भक्तपुरे गायक कपिल कस्पालले राजधानी काठमाडौं शहरलाई पनि आफ्नो स्वरमा सजाएका...