News Portal

  • काठमाडौं उपत्यकाभरी कार्यक्षेत्र रहेको जीवनदाता सहकारीको सेवा शुरु

    भक्तपुरपोस्ट संवाददाता भक्तपुर, ११ फागुन २०७८
    ९१८ पटक
    भक्तपुर, ११ फागुन २०७८

    काठमाडौं उपत्यकाभरी कार्यक्षेत्र रहेको नयाँ सहकारी संचालनमा आएको छ । काठमाडौं,ललितपुर र भक्तपुर कार्यक्षेत्र बनाई जीवनदाता बहुउदेश्यीय सहकारी संस्था संचालनमा आएको हो ।

    काठमाडौंको नयाँ बानेश्वरमा मूख्य कार्यालय रहेको उक्त सहकारीको शुक्रवार अर्थमन्त्री जनार्दन शर्माले उद्घाटन गरेका हुन् ।‘वित्तीय सम्वृद्धिको चाहना, जीवनदाताको कामना’ भन्ने उद्घार सहित स्थापित भएको जीवानदाताले सदस्यहरुको वित्तीय जीवनमा खुशीयाली ल्याउने अपेक्षा गरिएको छ ।

    शुक्रवार सस्थाको उद्धघाटन कार्यक्रमलाई सम्बोधन गर्दै अर्थमन्त्री जनार्दन शर्माले देशकै आर्थिक विकासका लागि सहकारीको भूमिका महत्त्वपूर्ण रहेको बताए । उनले तीन खम्बे अर्थनीति मध्येको एक खम्बाको रुपमा सहकारी क्षेत्र रहेको स्पष्ट पार्दै सरकारले सहकारीको विकासका लागि कुनै कसर बाकी नराख्ने बताए । केहि सहकारी संचालकहरुको बदमाशीका कारण सहकारी क्षेत्रले बदनामी कमाएको बताउदै उनले जीवनदाता बहुउदेश्यीय सहकारी संस्थाले पारदर्शी तरिकाले वित्तीय सेवा प्रदान गर्ने विश्वास व्यक्त गरे । व्यक्तिगत स्वार्थ त्यागेर सदस्यहरुको हित हुने गरी वित्तीय सेवा प्रवाह गर्न र सङ्कलित रकमलाई उत्पादनको क्षेत्रमा लगानी गर्न उनले सुझाव दिएका थिए ।

    २ करोड रुपैयाँ चुक्ता पुँजी रहनेगरी संचालन अनुमति पाएको यस जीवनदाता बहुउदेश्यीय सहकारी संस्थाले सुरुवातमै ५ करोड पुँजी पुर्याईसकेको सचिव कुमार सिग्देलले जनाएका छन् । सचिव सिग्देलका अनुसार सस्था उत्पादन एस्म रोजगारी सिर्जना गर्नेक्षेत्रमा लगानी प्रवर्द्धन गर्ने नीति बमोजिम गुणस्तरीय र विश्वसनीय वित्तीय सेवा प्रवाह गर्न प्रतिवद्ध छ ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...