News Portal

  • नेशनल प्याव्सन भक्तपुरको आठौं साधारण सभा सम्पन्न

    भक्तपुरपोस्ट संवाददाता भक्तपुर, १५ फागुन २०७८
    ८१८ पटक
    भक्तपुर, १५ फागुन २०७८

    राष्ट्रिय निजी तथा आवासीय विद्यालय एसोसियसन नेपाल (नेशनल प्याव्सन) भक्तपुरको आठौं साधारण सभा सम्पन्न भएको छ ।शनिवार डोलेश्वरस्थित एक रिसोर्टमा साधारण सभा सम्पन्न भएको हो ।

    उक्त अवसरमा प्रमुख अतिथि नेशनल प्याब्सनका केन्द्रीय अध्यक्ष ऋतुराज सापकोटाले सरकारले निजी विद्यालयलाई आत्महत्या गराउन खोजिरहेको आरोप लगाए । सरकारले ऐन बनाएर निजी विद्यालयलाई कस्न खोजेको उल्लेख गर्दै उनले सहकारी र गुठीमार्फतमात्र निजी विद्यालय सञ्चालन गर्न खोज्नु गलत रहेको बताए ।

    केन्द्रीय अध्यक्ष सापकोटाले माध्यमिक तहसम्मको अधिकार स्थानीय तहमा गएसँगै निजी विद्यालय संघ र स्थानीय तहको चेपुवामा परेको र स्थानीय तहले विद्यालयसम्बन्धि एकल अधिकारको प्रयोग गर्दाको मार निजी विद्यालयले भोगिरहेको गुनासो गरे ।

    कार्यक्रमको सभापत्तित्वनेशनल प्याब्सन भक्तपुरका अध्यक्ष संजय खड्काले गरेका थिए भने संचालन सचिव प्रकाश राइको रहेको थियो । उक्त अवसरमा एन प्याब्सन भक्तपुरका सल्लाहकार जीबी खड्का, अर्का सल्लाहकार बिक्रम ढुकुछु लगायतले सरकारको अपहेलनाका बाबजूद निजी विद्यालयहरुले शिक्षाको विकासमा योगदान गरिरहेका जिकिर गरे ।

    साधारण सभाको अवसर पारेर टाटाले भक्तपुरमा नयाँ स्कूल बस समेत लन्च गरेको छ । नयाँ मोडल र विशेषता सहितको स्कूल बस नेशनल प्याब्सनका केन्द्रीय अध्यक्ष ऋतुराज सापकोटा र नेशनल प्याब्सन भक्तपुरका अध्यक्ष सञ्जय खड्काले संयुक्तरूपमा लन्च गरेका थिए । सिप्रदीले बजारमा ल्याएको उक्त बसको मार्केटिङ अफिसर विकास दाहालले विशेषता र विक्री स्किमबारे जानकारी गराएका थिए ।

     

    प्रतिकृया दिनुहोस्

    हनुमन्ते खोलामा सेनाका हवल्दारको शव फेला

    भक्तपुर । भक्तपुर-१, सल्लाघारी स्थित हनुमन्ते खोलामा शव फेला परेको छ । दिउँसो करिब साढे...

    भक्तपुर आए आधा दर्जन सहसचिव

    भक्तपुर । नेपाल प्रशासनिक प्रशिक्षण प्रतिष्ठानका प्रशिक्षार्थी रहेका निजामती सेवाका सहसचिवहरुले भक्तपुर नगरपालिकाको अध्ययन भ्रमण...

    बनेपाको अग्नी सहकारी पीडितलाई उजुरी गर्न एक हप्ताको समय

    काभ्रेपलाञ्चोक । काभ्रेपलाञ्चोकको बनेपा नगरपालिका–८ सिनागालमा अवस्थित ‘अग्नी बचत तथा ऋण सहकारी संस्था लिमिटेड’सँग सम्बन्धित...

    इप्सन भक्तपुरको वादविवादमा यी भए अगाडि

    भक्तपुर । शिक्षा अब केवल परीक्षाको अङ्कमा मात्र सीमित रहेन, तर्क, विचार र अभिव्यक्तिको पनि...

    ललितपुरमा राधा–लक्ष्मण क्रियाशील पत्रकारिता पुरस्कार स्थापना

    ललितपुर, २२ साउन २०८२ । नेपाल पत्रकार महासंघ, जिल्ला शाखा ललितपुरले पत्रकारितामा सक्रिय योगदान पुर्‍याउने...