प्रतिनिधि सभाबाट पारित भइसकेको अमेरिकी सहयोग परियोजना एमसीसीबारे बल्ल प्रमुख प्रतिपक्षी दल नेकपा (एमाले)ले आधिकारिक धारणा सार्वजनिक गर्ने भएको छ । प्रमुख प्रतिपक्षी दल एमालेले रोयल ब्याङ्क्वेट तीनकुनेमा पत्रकार सम्मेलन मार्फत धारणा सार्वजनिक गर्ने भएको हो ।

पार्टीको आधिकारिक धारणा सार्वजनिक गर्न मंगलवार दिउँसो १ बजेका लागि पत्रकार सम्मेलन राखिएको प्रचार बिभाग उपप्रमुख बिष्णु रिजालले बताए । कार्यक्रममा पार्टी अध्यक्ष केपी शर्मा ओलीले एमसीसी बारे एमालेको आधिकारिक धारणा सार्वजनिक गर्ने बताइएको छ ।  भक्तपुरको गठ्ठाघरमा गर्न तयारी गरिएको पत्रकार सम्मेलन काठमाडौको तीनकुने स्थित रोयल ब्याङ्क्वेटमा सारिएको छ ।                                                                                                                                प्रमुख प्रतिपक्षी दल भएर पनि एमसीसी जस्तो संवेदनशील विषयमा मौनता साधेपछि जनस्तरबाट एमालेको आलोचना भएको छ भने कार्यकर्ता निराश बनेका छन् । एमसीसी पारित भएपछि बल्ल प्रमुख प्रतिपक्षी दलले धारणा सार्वजनिक गर्न थालेको भन्दै मानिसहरुले बल्ल एमाले  ब्युँझिएको भन्दै व्यंग्य समेत गरेका छन् ।

सच्याइएको : पत्रकार सम्मेलन स्थल रोयल ब्याङ्क्वेट तीनकुने हुनुपर्नेमा अन्यथा भएकोले सच्याइएको छ ।