भक्तपुर, २३ फागुन २०७८नेकपा (माओवादी केन्द्र)ले आफ्नो केन्द्रीय समितिमा ९७ जना केन्द्रीय सदस्य थप गरेको छ । सोमबार बसेको केन्द्रीय समितिको बैठकले ९७ केन्द्रीय सदस्य थप गर्ने निर्णय गरेको हो ।
थप ९७ जना केन्द्रीय सदस्यहरुमा भक्तपुर जिल्लाका दुई शिर्ष नेताहरु समेत समेटिएका छन् । केन्द्रीय समितिमा पर्ने भक्तपुरका नेताहरु देवेन्द्र श्रेष्ठ दिवाकर र डिपी ढकाल हुन् । पार्टीका केन्द्रीय अध्यक्ष प्रचण्डले सोमबार बाचन गरेका ९७ जनाको नामावलीमा उनीहरुको नाम अटाएको हो । पार्टी कमिटीहरुले गरेका सिफारिस मध्येबाट पार्टी अध्यक्ष प्रचण्डले ९७ जनाको नाम पढेर सुनाएका र सो सर्वसम्मतीले पास भएको एक सहभागीले बताए । श्रेष्ठ जनजाति पुरुषको कोटामा केन्द्रीय सदस्य मनोनित भएका छन् भने ढकाललाई खस आर्य युवाको कोटाबाट केन्द्रीय सदस्य प्रस्ताव गरिएको छ ।
भक्तपुर वाट श्रेष्ठ र ढकाल थपिए संगै जिल्लामा माओवादी केन्द्रीय सदस्यको संख्या ४ पुगेको छ । यस अघि जिल्ला इन्चार्ज दिलिप प्रजापति भिष्म र बागमती प्रदेश सभा सदस्य प्रतिमा श्रेष्ठ उर्मिला महाधिवेशन बाटै केन्द्रीय समितिमा पर्न सफल भएका थिए । माओवादी केन्द्रको भक्तपुरमा करिब ४ हजार पार्टी सदस्य रहेका छन् ।