भक्तपुरपोस्ट संवाददाताभक्तपुर, २३ चैत २०७८
भक्तपुर, २३ चैत २०७८गएराति २ बजे भक्तपुर प्रहरीले जुवा खेलिरहेको अवस्थामा एक दर्जन मानिसलाई पक्राउ गरेको छ । चागुँनारायण नगरपालिका वडा नं. ६ नगरकोट गैरीगाँउ बाट उनीहरु पक्राउ परेका हुन् ।
३७ वर्षीय मन बहादुर तामाङले आफ्नै ३ तल्ले घरमा संचालन गरेको न्यू गन्तब्य रेष्टुरेन्ट एण्ड होटलमा जुवा (कौडा) खेलाई रहेका छन् भन्ने सूचना प्राप्त भएपछि प्रहरीले राति छापा मारेको बताइएको छ ।
जुवा खेल्ने १३ जना मानिसहरू बाट नगद ८ लाख २२ हजार ६० रुपियाँ र १६ थान कौडा बरामद भएको महानगरीय प्रहरी परिसर भक्तपुरले जनाएको छ । उनीहरुलाई नियन्त्रणमा लिई थप अनुसन्धान कार्य भैरहेको प्रहरीको भनाइ छ ।